LAS PINAS CITY- Tahasang binalaan ni Pangulong Digong Duterte ang mga landlord (may ari ng paupahang bahay) na mananagot sa pagpapalayas sa mga health worker dahil sa Covid -19.

 

Sa kanyang virtual tv briefing, sinabi ni Digong sa mga landlord na nagpa-alis sa mga health worker ay hindi sila papayagang i-admit sa ospital sakaling sila naman ang tamaan ng virus.

 

"Those landlords evicting health workers should  not be allowed to be admitted to hospitals, " ani Duterte. 

 

Pinayuhan naman ng Pangulo ang mga health worker na dumiretso nang tumawag kay Chief implementor Sec.  Carlito Galvez para sa kaukulang assistance at kung kinakailangan ay bigyan ng matutuluyan at pagkain. 

 

Sa nasabing meeting,  itinalaga ni DU30 bilang bagong Philhealth President  si dating NBI Chief Dante Gierran, isang abogado at accountant bilang kahalili ng nagretirong presidente na si Ricardo  Morales. 

 

"Maghanap ka (Gierran)  ng makulungan ng mga tiwaling Philhealth officials" sambit ni DU30, patungkol sa anomalyang nagaganap sa naturang ahensiya ng kalusugan. 

 

Inatasan din ng  Pangulo na tanggalin ang mga Philhealth Regional vice presidents, pag- reshuffle sa BuCor, NBI,  at Philhealth regional offices.

 

Ayon pa sa Pangulo, consistent ang pamahalaan sa layuning maibalik sa bansa ang mga OFW. 

 

May 170,000 na ang bilang ng mga bumalik na Overseas Filipino Workers (OFWs)   sa bansa, ayon kay Defense  Secretary Delfin Lorenzana. 

 

Sa kagawarang pang-edukasyon, sinabi ni DepEd secretary Leonor Briones na may 97% ng public schools ang enrolees, 43% lang ay sa pribadong paaralan dulot na rn ng kawalan ng trabaho at bagsak na ekonomiya ng bansa na sinagasaan ng pandemya. 

 

"We opened despite naysayers like the Left and critics who wanted an academic freeze.  One documented case of student who committed suicide because  of COVID, students will be equipped for basic health literacy;  mental health  and psychosocial support  services,  we have, " pahayag ni Briones. (Louis Pangilinan)