Manila - Magiging espesyal na bisita si 2 time Olympian Eric Buhain sa ikatlong bugso ng  “Usapang Sports on Air” hatid ng Tabloids Organization in Philippine Sports (TOPS) Huwebes, July 16.

 

Si Buhain, na kinatawan ng bansa noong 1988 Seoul Olympics at 1992 sa Barcelona, ay sasamahan ni  Philippine Olympic Committee (POC) secretary-general Atty. Edwin Gastanes sa pang alas-diyes na sesyon na iniisponsoran ng Philippine Sports Commission (PSC) at Philippine Amusement and Gaming Corporation(PAGCOR).

 

Si Buhain, ay naitalaga ni dating President Gloria Arroyo bilang chairman ng PSC noong 2001 at Games and Amusement Board,  2005,  ay inaasahang magsasalita patungkol sa estado ng sports sa panahon ng  coronavirus pandemic.

 

Magugunitang si  Buhain, na lumangoy ng kabuuang 13 gold medals sa swimming sa Southast Asian Games buhat 1985-1993,  ay tatalakayin din ang swimming sa ilalalim ng bagong  normal.

 

Samantala si Gastanes, na nagsilbi din bilang secretary-general ng Philippines Football Federation (PFF) at miyembro ng Asian Football Confederation Legal Commitee  mula  2015, ay pag uusapan ang preparasyon ng bansa para Tokyo Olympics-bound athletes.

 

Inaanyahan ni TOPS president Ed Andaya ng People’s Tonight ang lahat ng miyembro at opisyal, kaibigan sa sports community na magpartisipa sa usapan na naka- livestreamed  sa Facebook at Youtube.

 

Ang  TOPS ay kinabibilangan ng editors, reporters at photographers buhat sa mga nangungunang national tabloid sa bansa gayundin sa  bloggers buhat sa iba't ibang social media platform.(LP/TOPS)