MANILA – Abot ang pasasalamat ni President Rodrigo Duterte sa mga miyembro ng kanyang Gabinete dahil sa agarang aksyon para tulungan ang mga nabalahong locally stranded individuals (LSIs) at ihatid sila sa kani-kanilang probinsya.
“I'd like to thank everybody sa itong ating gobyerno (in our government) -- that's really the Cabinet members working for the prompt response that you undertook to alleviate the plight of the stranded Filipinos. And nakakaawa talaga (They are really pitiful) and it took you just about two days to solve the problem,” sambit ni Duterte sa isinagawang televised meeting sa ilang Cabinet members na isinahimpapawid madaling araw ng Miyerkoles.
Partikular na pinuri niya si Transport Secretary Arthur Tugade para sa kanyang mabilis na aksyon sa paghatag ng tamang transportasyon para sa LSIs.
“Alam mo, iyan lang ang maibigay natin sa tao, iyong hindi masyado mahirapan ang mamamayan, and whenever there is a problem, we try to solve it as fast as it can ever be done,” sabi ni Duterte.
Nauna nang tiniyak ni Tugade na ang mga waiting passenger sa Ninoy Aquino International Airport (NAIA) ay pinangangalagaan at binibigyan ng regular food supply sa panahon ng kanilang pamamalagi.
Ito'y matapos na nag-atas ang Pangulo na bigyan ng marami pang mauupuan ang mga waiting passenger dahil sa may mga kasama silang menor de edad at mga buntis na wala ng mauupuan.
Ani Duterte magdamag siyang hindi nakatulog habang ang mga pasaherong stranded ay pawang nakatayo para maghintay sa kanilang mga biyahe.
Sinabi naman ni Interior Secretary Eduardo Año sa Presidente na sa pulong nila nitong, Martes na sa loob nitpng linggo higit sa 4,000 LSIs na ang natulungan sa pamamagitan ng Hatid Tulong program ng pamahalaan.
Sinabi pa ni Año na noong Lunes at Martes ay higit sa 5,000 LSIs na ang nakarating sa kanilang mga lugar sa pamamagitan ng barko o eroplano.(LP/PNA)