Quezon City  – Bilang pangunang gamit pangkaligtasan, kinakailangan magsuot ng  helmets ngayon ang mga bicycle rider habang bumabagtas sa kalsadahan ng Lungsod Quezon.

 

Ito'y makaraang aprubahan ni Mayor Joy Belmonte ang Ordinance No. SP-2942 na pinunente nina Councilors Maria Diorella Sotto, Kate Galang-Coseteng at Candy Medina.

 

“Ngayong bahagi na ng new normal ang pagbibisikleta, nais nating gawing mas ligtas ang aktibidad na ito para sa mga dumadaan sa ating lungsod." ani Belmonte.

 

“Makatutulong ang pagsusuot ng helmet upang maging maayos ang ating pagbiyahe at para ligtas tayong makarating sa ating pupuntahan, ” aniya pa. 

 

Gayung ang pagsusuot ng  helmet kapag nagbibisekleta ay mandato sa ilalim ng Road Safety Ordinance, sinabi ng konseho na nakikita pa nila ng panibagong polisiya para higit na eengganyo ang pagsusuot ng helmet bilang proteksiyon, kung saan maraming gumagamit ng besikleta bilang transportasyon sa kanilang mga trabaho. 

 

Itinakda sa ordinansa ang parusa sa hindi pagsuot ng helmet habang dumaraan sa mga kalye ng  Quezon City ay mga multang  PHP1,000, PHP3,000 at PHP5,000 para sa una, ikalawa at ikatlong paglabag, ayon sa pagkakasunod.

 

Ang Department of Public Order and Safety ng lungsod ng nakatoka bilang 

lead agency para sa istriktong pagpapatupad ng ordinansa.  (LP/PNA)