MANILA – Pinuri ni Philippine Army (PA) commander, Lt. Gen. Gilbert Gapay, ang 262 indibidwal dahil sa kanilang pagpursiging pumasok sa sandatahang lakas at piniling magsilbi sa bayan at pamayanan.
Ginawa ni Gapay ang kanyang diskurso matapos pangunahan ang graduation ceremonies ng Officer Preparatory Course (OPC) Class 71-2019 at Officer Candidate Course (OCC) Class 53-2020 sa headquarters ng Training and Doctrine Command sa Camp O’Donnell, Capas, Tarlac nitong Martes.
Kabuuang 70 graduates buhat sa OPC at 192 graduates mula OCC ang kinomisyon bilang second lieutenants at itatalaga sa iba't ibang Army units sa buong bansa.
Ang pagtatapos ng mga bagong Army officers ay isinagawa sa kabila ng matinding laban kontra coronavirus disease 2019 (Covid-19) pandemic ng bansa.
“Recall when you signed up for the Army. That single step you made for this journey is now culminating and the succeeding step to your dream has begun. And no matter how it will end, the most important thing is that you mustered enough courage to enter the door of many possibilities,” wika ni Gapay.
Binigyan din niya ng pagkilala sa mga bagong opisyal dahil sa kanilang ipinamalas na sipag at tiyaga bilang paghahanda sa kanilang mga responsibilidad. (LP/PNA)
photo - PNA