by Marlon Bernardino
PANIBAGONG titulo na naman ang pupuntiryahin ni Cabuyao, Laguna top player Alexandra Sydney Paez, Grade 8 Student ng Colegio De San Juan de Letran-Calambasa pagsulong ng pinaka-aabangan na 2018 National Executive & Kiddie Chess Championships ngaun Sabado, Abril 7, 2018 gaganapin sa Activity Area, Vista Mall, Santa Rosa, Tagaytay Road, Barangay Don Jose, Sta. Rosa City, Laguna.
Inorganisa ng Philippine Executive Chess Association (PECA) sa magiting na pamumuno ni PECA president Atty. Cliburn Anthony A. Orbe kung saan magsisilbing punong abala si Philippine Executive Chess Association (PECA) Press Relation Officer (PRO) Dr. Alfredo "Fred" Paez sa pakikipagtulungan ng Alphaland Mall at ng Rotay Club of Nuvali na bukas sa lahat ng kiddies chess player sa bansa.
Ang 13-year-old Alexandra Sydney ay tumapos ng runner-up place sa 2018 National Age-Group Chess Championships (Visayas Leg) na ginanap sa City Mall, Kalibo, Aklan nitong Enero 27-28, 2018.
Si Alexandra Sydney na pambato ni Cabuyao City Mayor Mel Gecolea ang nagkampeon din sa 26th Golden Mind Chess Tournament (Under-14) na ginanap sa EBR Building, Tagumpay Canteen, Tagumpay Supermarket, Lipa City, Batangas nitong Pebrero 4, 2018. Siya ay tumapos ng perfect 7.0 puntos sa pitong laro.
Makakasama ni Alexandra Sydney sa kampanya sa 2018 National Executive & Kiddie Chess Championships sa Abril 7, 2018 ay sina 9-years-old Webster Lagera na Cabuyao City Kiddie Champion mula Cabuyao Central Elementary School at 13-years-old Oryza Reign Repato na Qualifier sa 2018 Batang Pinoy Finals na produkto din ni Cabuyao City Mayor Mel Gecolea.
Masisilayan din sina Kaye Lalaine Regidor ng Dila Elementary School, King Whishley Puso ng Dila Elementary School, Kasandra Flores ng SRES Central II,Wayne Diaz Ruiz ng Marie Margarette School, Jyrus Galletes ng SRES Central III at EJ Caravalle ng J -Ten School.
Nagtatangka din sa titulo sina Trishia Ann Paez ng Canossa School, Zander Juan ng Canossa School, Clifford Bernardo of Science & Technology School of Sta Rosa, Criswen Falamig ng San Pablo City, Eowyn Jullado ng Tayabas, Quezon, mga pambato ng Saint Michael College of Laguna Players na sina Ayanna Nicole Usma, Mark Gabriel Usman, Jan Paulo Dalicano at Joshua Brix Guillermo.-Marlon Bernardino-
