by Marlon Bernardino
Manila---Nagwagi kamakailan si Lorenzo Aaron Cantela, isang national master sa chess, sa 21st Bangkok Chess Club Challenger 2024 noong Linggo, Abril 21 sa Sheraton Hua Hin Resort & Spa sa Hua Hin, Thailand.
Matagumpay na natapos ni Cantela na pambato ng Cavite at Masbate ang 9-round Swiss System tournament na may pitong panalo, isang tabla at isang talo sa 90 minutes plus 30 seconds increment time control format.

Final Standings:(Nine Rounds Swiss System, Challenger division, 87 players)
7.5 points---Lorenzo Aaron Cantela (Philippines)
7.0 points---Xu Chang (China), Mary Joy Tan (Philippines), Lemmuel Jay Adena (Philippines), Ritchie James Abeleda  (Philippines)
6.5 points---April Joy Claros (Philippines)
6.0 points---Nikolay Gutsulyak (Russia), Hanzhe Liang (China), Zeus Alexis Paglinawan  (China), Vaisnav A (India), Vaibhav A (India), Pathak Rounak (India), Qiang Biang (China), Kate Nicole Ordizo (Philippines), Karsten Eivind Nielsen (Denmark)

Tinalo niya si Terence Legge ng England sa unang round, Kate Nicole Ordizo ng Pilipinas sa second round, Vaisnav A ng India sa third round, April Joy Claros ng Pilipinas sa fourth round, Vaibhav  A ng India sa sixth round,  Lemmuel Jay Adena ng Pilipinas sa ikapitong round at Ritchie James Abeleda ng Pilipinas sa walo at penultimate round round.
Siya ay natalo ni Xu Chang ng China sa ikaapat na round. Hinati niya ang mga puntos kay Mary Joy Tan ng Pilipinas sa ikasiyam at huling round.
"I'm simply very, very delighted. I am so happy," sabi ng freshman student ng Far Eastern University sa Morayta.
“A big boost of confidence for winning this tournament,” dagdag ng 20 taong gulang na si Cantela.
Kabilang sa mga sumusuporta sa kanyang kampanya sa chess dito at sa ibang bansa ay sina FEU chair Aurelio "Gigi" Montinola, president Juan Miguel Montinola, Manila athletics director Mark Molina, Diliman executive director Dr. Armi Cunanan-Yabut, Atty. Jesseboy Remulla Grepo at sportsman Luis Chavit Singson.
“Bahagi ito ng adbokasiya na sinusubukan naming gawin ng FEU, magproduce ng future champions,” sabi ni FEU at national women’s team coach GM Jayson Gonzales.
Bukod kay Cantela at teen chess wonder na si WNM Reulle Canino , nakagawa din ang FEU ng mga pambansang kampeon at Grandmaster tulad nina Gonzales mismo, Buenaventura "Bong" Villamayor at WGM Janelle Mae Frayna.-Marlon Bernardino-