QUEZON CITY - May kabuuang  176,000 public school students sa Quezon City, kinapalooban ng mula Grades 7 hanggang 12, ang nakatakdang mabigyan ng kanilang sariling Samsung Galaxy tablet para maasistehan sa kanilang  virtual learning environments para sa school year 2020 hanggang 2021.

 

 

“Our goal is to ensure that our public-school students have learning continuity resources that are at par with their private school peers,” sabi ni QC Mayor Joy Belmonte.

“We are glad that our city was able to acquire such high-quality tablets from a leading global brand, at a remarkably reasonable cost,” aniya pa. 

 

Ang quad-core Samsung Galaxy Tab A ay pinapatakbo sa Android 9 operating system, na may internal memory na 32GB ROM plus 2 GB RAM, microSD storage capacity hanggang 256GB, at  2 megapixel at 5 megapixel front at rear camera, ayon sa pagkakasunod. Ang  tablets ay mayroon ding WiFi o WLAN connectivity, at USB port para sa  external storage support.

 

Para masigurong ang naturang gadyet ay magagamit lamang para sa pag-aaral, kada yunit ay may  pre-installed safety at privacy features, at awtomatikong ma-deny ang  access sa bawal na pagpalawig (prohibited extensions).

 

Ang P1.2-billion supply-and-delivery contract ay pinagkaloob sa  Trireal Enterprises, at kanilang  joint venture partner Radenta Technologies Inc.

 

“With all the challenges that our public-school students face under these new learning conditions, at least we are assured that their Samsung Galaxy Tab A devices will be able to meet the demands of long-term use. They are a leading technology brand for a good reason,” pahayag ni Belmonte.(LP/MST)

 

Photo Courtesy :  Philstar