Muling nagbigay ng karangalan sa bansa si 30th Southeast Asian Games gold medalist at surfing star Roger Casugay, nang pagkalooban ng pagkilala ng Pierre de Coubertin Act of Fair Play Award ng Comité International du Fair-Play (International Fair Play Committee), unang Pinoy na hinatagan nitong prestihiyosong award na ipinangalan bilang ama ng international Olympic movement.

Maalab naman nagpahayag ng kagalakan at pagmamalaki si
Philippine Sports Commission Chairman at 30th SEAG Chef de Mission William Ramirez sa naturang rekognisyon sa isinagawang kabayanihan ni Casugay nang isuko ang pihadong gold para lamang maisalba ang kalaban mula Indonesia.

 “We are very proud of Roger because he has truly exemplified the true meaning of being a Filipino and a sportsman,” bulalas ni Ramirez.

 Ang International Surfing Association (ISA) sa bisa ng kanilang Membership and Development Manager Alex Reynolds, ay inimpormahan ang United Philippine Surfing Association, Martes sa naging achievement ni Casugay na isa sa pinakaprestihiyosong awards sa mundo ng palakasan.

 Ang 26-year old na si Casugay, tubong San Fernando, La Union ay umani ng pinakamataas na respeto at papuri mula sa SEAG visitors at local sports fans at enthusiasts at makopo ang gold sa kaparehong event matapos pagpasyahan ng mga hurado na i- rerun matapos ang deliberasyon.

 “Above all, it is a more fulfilling achievement to be recognized for character than skills and achievements. It shows who we are as people and as a nation,” dagdag ng PSC Chief.

“It is nice to recognize an athlete not only for his athletic skills but also for his humanity. Holding surfing during the Southeast Asian Games is a milestone event. It paved the way for the ISA to recognize the region and allowed Roger to be also recognized.” pahayag naman ni UPSA President Dr. Jose Raul Canlas.

 Ayon kay Ramirez, itong award au ipinapakita lamang ang ibayong tagumpay ng pambansang koponan. sa pagsampa ng overall championship sa Games, ang values na itinuro sa mga kabataan at tao ang umukit sa legasiya ng Games.

“Seven months after the Games, we are still feeling the pride that our national athletes achieved for the Filipino people. Truly, sports is an advocacy that keeps on giving,” ani Ramirez, na nagsilbing CDM sa ikalawang pagkakataon sa bansa na nanalo ng top honors sa multi-sport event.

 Ang award, ay sinimulan noong 1965 at ang mga nakarang resipyente ay ang mga heroic at notable humanitarian figures kabilang sina Sergey Bubka (athletics), László Papp (boxing), Miguel Indurain (cycling) at iba pa (fairplayinternational.org), ay opisyal na ipagkakaloob kay Casugay sa October 27. Nakatakda siyang lumipad sa Monaco sa personal na tanggapin ang award, kapag ayos na ang kinakaharap na krisis dulot ng pandemya. May opsyon din siyang tanggapin ang award ng virtual.

Inisyal na nilayag ang Surfing sa katatapos na biennial meet kung saan nagtapos ang mga Filipino surfer na overall champions kabig anh 2 gold, 2 silver at 3 bronze medals kasama na ang gold ni Casugay sa men’s longboard competition.

Si Casugay ang flag bearer ng host Philippines at recipient ng “Fair Play” award sa Closing Ceremonies na idinaos sa New Clark City sa Capas, Tarlac noong nakaraang December 2019