Ang pagbuwag ng  quarantine sa April 12,  sa inisyal na plano, ay magiging ugat ng paglobo ng  virus sa  urban centers, sabi ni  ­Caloocan City 2nd District Rep. Edgar Erice.

“I have been to more than a hundred villages in my city the past 2 weeks and I am afraid that if COVID-19 reach[es] these areas, all hell will break loose,” aniya.

Hinimok ng mambabatas ang lokal na pamahalaan na maglaan ng pondo para sa community development at special activities  sa pag-iimbak ng pagkain at  medical supplies.

“These are the least we can do to protect our citizenry as we are at war against a very invisible powerful enemy,” aniya.

Ang  technical working group sa pangunguna ng  Department of Health ang magsasagawa ng rekomendasyon para sa posibleng pagtanggal o ekstensyon ng  month-long Luzon lockdown, naunang sinabi ni  Cabinet Secretary Karlo Nograles.

Umabot na sa 72 ang COVID-19 positive patients sa Laguna. Sa datos ng Laguna Provincial Health Office bandang 8:00, Sabado ng umaga (April 4), nasa 72 ang tinamaan ng virus sa lalawigan.

Pinakamataas na naitalang kaso sa bayan ng Sta. Rosa na may 16 cases.

Narito naman ang napaulat na kaso sa mga sumusunod na lugar:
– San Pedro – 13
– Biñan – 10
– Calamba – 10
– Los Baños – 5
– Cabuyao – 3
– Majayjay – 2
– Pila – 2
– San Pablo – 2
– Sta. Cruz – 2
– Alaminos – 1
– Bay – 1
– Calauan – 1
– Lumban – 1
– Nagcarlan – 1
– Victoria – 1

Samantala, 832 ang naitalang persons under investigation (PUIs).

5,644 naman ang ongoing persons under monitoring (PUMs) habang 7,677 ang cleared na.

Nasa 13 ang gumaling na o nakarekober sa COVID-19 sa Laguna at pito naman ang pumanaw. Source : ABSCBN