Masidhing balitaktakan ang ilalahad ng martial arts at youth basketball sa pagdayo nila sa ika-47 edisyon ng "Usapang Sports" ng Tabloids Organization in Philippine Sports (TOPS) ngayon sa National Press Club sa Intramuros, Manila.
Isasambulat nina Kru Zhie, founding president ng PhilThaiboxing Association of the Philippines, at Ed Dames, ang pagsipa ng "Mano-Mano: Battle of the Strikers" promotion sa darating na Nobyembre 25 sa Dumaguete City.
Makakasa nina Zhie, isa sa resource speakers sa nakaraang GAB-Philippine Professional Sports Summit hmsa PICC, at Dames ang mga fighter sa magaganap na event.
Dadalo rin sa pang-alas 10:00 ng umagang public service program na inisponsoran ng Philippine Sports Commission, National Press Club, PAGCOR, Community Basketball Association at HG Guyabano Tea Leaf Drinks ang Arceegee Sportswear basketball teams na siyang namayani sa nakalipas na GotSkills basketball tournament.
Lalarga sa Arceegee team si owner-manager Rinbert Galarde at sina coaches Ricky Ricafuente at Joseph Ochada.
Innimbitahan ni TOPS president Ed Andaya ng People’s Tonight ang lahat ng mga opisyal at mga miyembro, maging ang mga kaibigan sa sports community, na dumalo sa sesyon na ipinapalabas ng live sa Facebook via Glitter Livestream.
Ang TOPS ay kinabibilangan ng sports editors, sportswriters at photographers ng mga pabgunahing tabloids sa Pilipinas.PR