MANILA — Itinalaga ni Pangulong Digong  Duterte si  Wilkins Villanueva bilang bagong director-general ng Philippine Drug Enforcement Agency (PDEA), kapalit ni Gen. Aaron Aquino.

 

Sariling kinumpirma din ni Villanueva ang kanyang appointment sa pagbigay ng kopya ng  appointment paper, na pirmado ni  Duterte noong May 22, sa kanyang  official Facebook account.

 

"After almost two decades of serving our country on the field of drug law enforcement through different capacities and positions both with PNP [Philippine National Police] Narcotics Group and Philippine Drug Enforcement Agency, I finally achieved what I was aiming for... Director-General of PDEA," ani Villanueva sa kanyang post.

 

Nagpahayag ng kagalakan si  Villanueva sa Pangulo sa pagbigay ng tiwala at kompiyansa para pamunuan ang kampanya  sa talamak na droga sa bansa. 

 

“I will never fail you Mr. President!" aniya. "The war on drug continues!”

 

Kinumpirma naman ni Executive Secretary Salvador Medialdea ang pagkatalaga kay Villanueva.

 

Si Villanueva ay dating  PDEA-Region 10 regional director, kung saan pomosisyon din siya sa Bureau of Customs-Customs Intelligence at Investigation Service.

 

Pinalitan niya si  Aquino na ni-relieve matapos pamunuan ang ahensiya   kontra illegal drugs sa halos tatlong taon, ani  PDEA Spokesperson Derrick Carreon. (LP/PNA)