MUNTINLUPA - Nagpasa nitong Lunes ang Lungsod na pamahalaan ng Muntinlupa ng anti-discrimination ordinance na pumuprotekta sa mga pasyente na kumpirmadong may coronavirus disease 2019 (COVID-19)
at persons under monitoring at investigation, kasama na ang frontliners na nangangasiwa sa mga medical facilities.Nilagdaan ni Mayor Jaime Fresnedi ang Ordinance No. 2020-085 o ang “COVID-19 Anti-Discrimination Ordinance,” na nagpaparusa sa mga maaaktuhan ng discrimination, harassment, violence o anumang aksiyon na sanhi ng stigma, pamamahiya, paglait, o makapanakit kontra COVID-19 infected persons, PUMs, at PUIs.
Labag din sa batas para sinumang tao na malisyosong ibinunyag ang mga impomasyon ng pasyente kabilang na ang kanilang tunay na pangalan, address at iba pang impormasyon na nagbubunyag ng kanilang pagkikilanlan.
Ang mahuhuli ng mga nasabing paglabag sa ordinansa ay magmumulta ng P5,000 o pagkakakulong ng hanggang anim na buwan. Kung ang offender ay public official o public employee, ipapataw ang maximum na kaparusahan.Nagpasa rin ng resolusyon ang Muntinlupa City Council na kinikilala o pinaparangalan ang lahat ng frontliners, lalo na ng city residents, na ibinibigay ang kanilang serbisyo para sa paglaban sa COVID-19 pandemic ang paglagay sa Philippine Flag sa half-mast.Mula April 6, nakapagtala na ang Muntinlupa City Health Office ng 64 confirmed cases sa Muntinlupa na may apat na yumao at isang recovered case. Ayon sa CHO, mayroon na ring 278 PUMs at 212 PUIs.Habang kumpirmado ang pagtaas ng COVID-19 sa lungsod, ang bilang ng kasong gumaling ay nag- improve sa higit 319 cleared PUM at 100 cleared PUI.Para sa kinauukulan patungkol sa community quarantine at COVID-19 testing, maaring makipag-ugnayan ang mga residente ng Muntinlupa City sa hotline nos. 0977-240-5217 o 0977-240-5218. Louis Pangilinan