General Trias City, Cavite---International Master Angelo Abundo Young ang namuno sa Road to Mastery FIDE Rated Open Chess Tournament na ginanap noong Hulyo 22 at 23 sa General Trias, Cavite Manpower Building Pasong Tamo Kayawan 2, South Square Village dito.
Nakakolekta si Young ng kabuuang 4.5 puntos dahil sa apat na panalo, isang tabla at isang talo sa anim na paglabas upang makuha ang titulo sa 2-araw na National Chess Federation of the Philippines sanctioned tournament (Standard Format).
Final Standings:
4.5 points---IM Angelo Abundo Young, NM Almario Marlon Quiroz Bernardino Jr., NM Robert Suelo Jr., IM Jose Efren Bagamasbad, FM Carlos Edgardo Garma
4.0 points---CM Genghis Imperial, Rodel Jose Juadinez, Noel Jay Estacio
3.5 points---AFM Rai Enzo Batara
Pareho rin ang score nina National Master Almario Marlon Quiroz Bernardino Jr., National Master Robert Suelo Jr., International Master Jose Efren Bagamasbad at Fide Master Carlos Edgardo Garma ngunit nalagay sa ikalawa, ikatlo, ikaapat at ikalimang puwesto, dahil si Young ang nakakuha ng superior tie-break score.
"I expect the game to be tough and so close," sabi ni Young , Head Coach ng Emilio Aguinaldo College Chess Team sa gabay ni EAC Vice President for Administration Dr. Lorenzo C. Lorenzo.
โIโm glad to survive the pressure. At that time, I just told myself to focus and play my normal game.''dagdag pa ni Young, 8-time Illinois, USA chess champion.
Matapos matalo sa opening round kay female player Maryss Annxeniel Caldoza ay si Young ay naka resbak matapos manaig kina John Martin Firmalino, Stephen Von Estavillo, Jireh Dan Jaimie Cutiyog, Nathan Jon Anarna at kasunod ng pag draw kay Garma tungo sa coveted title.
Tournament director was AFM Ederwin Estavillo and supervised by National Arbiters Mark Anthony Dulatre and Israel Landicho of the Philippine Arbiters Chess Confederation (PACC).
Si Young ay sariwa pa sa pagkampeon sa blitz event ng Canon Carlsen Kasparov FIDE Blitz Open Chess Tournament noong Hunyo 11 sa Robinsons Place, General Trias City, Cavite.
Nakilala si Young matapos magwagi sa Philippine Junior Chess Championship noong dekada 1980.
Si Young ay masisilayan sa international competitions gaya ng 18th IGB Malaysian Chess Festival 2023 sa Agosto 25-Setyembre 3 sa Cititel Mid Valley, Kuala Lumpur, Malaysia.
Lalahok din si Young sa FIDE World Senior Championships 2023 sa Terrasini, Italy, sa Oktubre 24-Nobyembre 6, at Penang Open sa Disyembre 18-24 sa Penang, Malaysia.
Sa 2019 World Senior Chess Championships (in the +50 division) sa Bucharest, Romania, si Young, seeded 31st sa 138 participants, ay nakisalo sa fifth place kasama ang 12 pang may 7.5 points subalit nalagay sa eighth overall matapos ang tiebreaks sa event na ang nagkampeon ay si Ukrainian GM Vadim Shishkin.
Masisilayan sa torneo ang top-rated players sa bung mundo mula sa Russia, America, Europe, China, Vietnam, at Middle East players.
Bago ang ilang serye ng international competitions ay si Young ay lalaro sa 46th Birthday Celebration NM Bernardino chess tournament sa Agosto 5 sa 2nd floor Open Kitchen Foodhall, Rockwell Business Center, Sheridan Street, Mandaluyong City.-Marlon Bernardino-
Caption Photo:
Mula kaliwa, AFM Ederwin Estavillo (Tournament Director), NM Robert Suelo Jr.(3rd Place), IM Angelo Abundo Young (Champion), NM Almario Marlon Quiroz Bernardino Jr. (2nd Place), NA Mark Anthony Dulatre (Chief Arbiter), NA Israel Landicho (Deputy Chief Arbiter).
