by Marlon Bernardino
Calapan City, Oriental Mindoro---Tinalo ni PH chess genius Keene Ijssel Dirk Valdez ang limang nakalaban tungo sa paghahari sa elementary open division ng 2019 Lifecore Enterprises Open Chess Tournament na tinampukang Grandmaster Rosendo Carreon Balinas chess cup na ginanap sa Bulwagang Panlalawigan sa Calapan City, Oriental Mindoro on nitong Sabado.
Ang nine years old Valdez na grade 4 pupil ng Camilmil Central School ng Puting Tubig, Calapan City ang itinanghal na bukod tanging manlalaro an may malinis na kartada sa mga kalahok sa four divisions sa two-day tournament na inorganisa ng United Chess Players of Calapan, Inc. sa gaby ni president Emmanuel "Noel" Bandelaria Asi na suportado ni Nicolas Ramil Castro ng Lifecore Enterprises Inc. sa pakikipagtulungan ng local government ng Calapan City, Province ng Oriental Mindoro at ng Philippine Executive Chess Association (PECA) na nirendahan ni president Dr. Jenny Mayor.
Tumapos si Chad Stephen Madrigal ng secondna may 3.5 points, habang si Kent Andrei Cante ay nasa third na mayroong 3.5 points.
Nagpakitang gilas din si John Mark Ditaunon matapos maghari sa high school open side na may 5.0 points na sinundan nina Jeff Janssen Arellano at Kyle Nemuel De Silva na may tig four points tungo sa second at third, ayon sa pagkakasunod.
Si National Master (NM) Raymond Salcedo ng Philippine Airforce Chess Team ang nagkampeon sa executive division na sinundan naman ni solo second place Jose Rizal University chess team head coach Fide Master (FM) Nelson "Elo" Mariano III.
Sina National Arbiters Byron Villar at Israel "Ice" Landicho ng Chess Arbiter Union of the Philippines (CAUP) ang nangasiwa sa National Chess Federation of the Philippines (NCFP) sanctioned tournament.
Ang FIDE rated Lifecore Enterprises Open rapid chess championships ay tumulak nitong Linggo kung saan si 13-time Philippine Open champion Grandmaster (GM) Rogelio "Joey" Antonio Jr. ay idedepensa ang kanyang titulo. Si Antonio, 57, na tubong Calapan City, Oriental Mindoro ang country's representative sa taong ito sa 2019 FIDE World Seniors Chess Championships na iinog sa Nobyembre 11 hanggang 24 sa Bucharest, Romania.-Marlon Bernardino-