by Marlon Bernardino
MANILA---Pinagharian ni FIDE Master (FM) Nelson Villanueva ng Pilipinas ang katatapos na standard event ng 2nd CMC Chess Club Classical Chess Swiss Below 2400 noong Hunyo 5, 2023 na ginanap sa MesaMall Nilai, Negeri Sembilan, Malaysia.

Ang La Carlota City, Negros Occidental native na si Villanueva ay nakakolekta ng perpektong 7.0 puntos upang angkinin ang mga nangungunang karangalan sa pitong round event.
"I'm happy that I was able to perform well," sabi ni Villanueva na suportado ang kanyang kampanya dito ni La Carlota City, Negros Occidental Mayor Rex R. Jalandoon.
“I feel proud, I was able to give my best,” dagdag ni Villanueva, co-champion sa Big Rook Chess Festival 2023 Standard Open tournament na ginanap sa Thomson Hotel Huamark sa Bangkok, Thailand noong Mayo 4-7, 2023.
"Congratulation Fide Master Nelson Villanueva! You made the country proud," sambit naman ni Bayanihan Chess Club secretary-general 1996 Philippine Junior Champion Fide Master Robert Suelo Jr., isang malapit na kaibigan ni Villanueva.
Ang dating Rizal Technological University (RTU) Mandaluyong City standout na si Villanueva ay umiskor ng mga tagumpay laban kay Vagesan Sinnatambi ng Malaysia sa unang round, Muhd Faris Aminuddin ng Malaysia sa second round, Muhd Afdal Noor Azman ng Malaysia sa ikatlong round, National Master Leonardo Alidani ng ang Pilipinas sa fourth round, Muhd Syakir Shazmeer Azhar ng Malaysia sa fifth round, Sarmadoli Siringo-ringo ng Indonesia sa sixth round at Irwandi ng Indonesia sa seventh round.
Ang isa pang Filipino entry na si National Master Leonardo Alidano ay nagtapos sa isang tie para sa pangalawa hanggang ikatlong puwesto kasama si Muhd Afdal Noor Azman ng Malaysia na parehong nagtala ng tig-5.5 puntos.-Marlon Bernardino-