MANILA, Philippines –Nagposte ng magkakahiwalay na panalo sina Woman Candidate Master Alexandra Sydney Paez at Woman National Master Jersey Marticio ng Cabuyao City,
Laguna at Woman National Master Kaye Lalaine Regidor ng Santa Rosa City, Laguna matapos ang third round ng Asian Schools Chess Championships na ginaganap sa online ng Tornelo Platform, Sabado, Hulyo 24, 2021.
Ang 17 years old Paez na isang online Arena International Master na Grade 12 student ng Malayan College of Laguna ay giniba si Motahareh Talaneh ng Iran B sa third round matapos ang 38 moves ng Double Fianchetto Opening para manatili sa ituktok ng liderato ng Under 17-Girls Division sa pag kubra ng perfect 3 points sa 15 minutes + 10 seconds increment time control format.
Una ng tinalo ni Paez si Kimia Hamed Hajipour ng Iran B sa first round at Navisa Goudarzi ng Iran A sa second round.
" I hope to do well in this prestigious event," sabi ni Paez, pambato ni Cabuyao City mayor Atty. Rommel "Mel" Gecolea, sariwa pa sa runner-up finish sa 2021 Hybrid National Youth & School Chess Championships (Under 18 - Girls) nitong Hunyo 22 hanggang 29, 2021.
Habang ang 14 years old Marticio na Incoming Grade 9 student ng Pulo National High School, Cabuyao City, Laguna ay tinalo si WCM Bayanmunkh Amin-Erdene ng Mongolia sa third round tungo sa pag tarak ng third straight wins sa Under 15-Girls Division.
Si Marticio na dalawang beses na nag runner-up place sa 2021 Hybrid National Youth & School Chess Championships (Under 14 and Under 15 Girls) ay pinayuko sina WCM Khishigbaatar Bayasgalan ng Mongolia sa first round at Atena Johori ng Iran B sa second round.
Sina Paez at Marticio kung saan ang kanilang local at international chess campaign ay suportado ni Cabuyao City mayor Atty. Rommel "Mel" Gecolea.
Ang 12 years old Regidor na Grade 6 student ng Rizal Dila Elementary School Santa Rosa City, Laguna ay winasiwas si Rikka Mitsuyama ng Japan matapos ang 48 moves ng Queens Pawn Game tungo sa kanyang third straight victories sa Under 13-Girls Division.
Si Regidor, ang kampeon sa Under 12-Girls 2021 Hybrid National Age Group Chess Championships Grandfinals ay kinaldag din sina H Sandithi Kusalya Alwis ng Sri Lanka B sa first round at Qobiali Massah ng Syria sa second round.
Ang Tournament Director ay si NCFP CEO (chief executive officer) GM Jayson Gonzales habang si IA Reden Cruz ang Chief Arbiter.-Marlon Bernardino-
Photo shows
Woman Candidate Master Alexandra Sydney Paez of Cabuyao City, Laguna
Woman National Master Jersey Marticio of Cabuyao City, Laguna
Woman National Master Kaye Lalaine Regidor of Santa Rosa City, Laguna