Blue Eagles nilumpo ang  Growling Tigers, 72-55

Blue Eagles nilumpo ang  Growling Tigers, 72-55

Blue Eagles nilumpo ang  Growling Tigers, 72-55

Laro sa Linggo
(Mall of Asia Arena)
11:00 AM - Ateneo vs FEU
1:00 PM - NU vs UST
3:00 PM - AdU vs UE
6:30 PM - UP vs DLSU
 
Inilatag ng Ateneo de Manila University ang agresibong third quarter barrage para lumpuhin ang University of Santo Tomas 72-55 sa UAAP Season 85 Men’s Basketball Tournament, Huwebes, sa Smart Araneta Coliseum.
 
Ungos lang  ng single digit sa halftime, nagpakawala ang Blue Eagles ng 27-10 ragasa laban sa Growling Tigers sa ikatlong frame.
 
Dinakma  ito ng isang and-one play ni Josh Lazaro habang nanguna ang Ateneo ng 62-37 may 2.6 segundo ang natitira bago ang huling yugto.
 
“We’re pretty happy with the result, obviously, not just the win,” sambit ni Blue Eagles mentor Tab Baldwin. “I thought it was, apart from the second quarter, I thought we were cohesive in the game. Players knew what they were doing out there.”
 
Pinangunahan nina BJ Andrade and Ange Kouame ang Ateneo na may tig-14 points na ang huli'y kumalawit ng pitong rebounds at tatlong butata.
 
 
Nag-ambag din si Forthsky Padrigao ng 10 puntos, pitong rebound, at limang assist para sa Blue Eagles. Hatag si Dave Ildefonso ng limang puntos at limang rebound para sa Ateneo.
 
Nakabibilib din ang bench mob ng Blue Eagles nang umani sila ng 27 puntos laban sa lima ng Growling Tigers. Naging perpekto din ang Ateneo mula sa free throw line na may 10-of-10.
 
Sa panalo, napabuti ng Blue Eagles ang kanilang rekord sa 7-3 sa likod ng magkasunod na panalo. Nananatili sila ng isang hakbang sa National University (8-3) para sa pangalawang posisyon. 
 
“I think defensively, we were pretty good,” dagdag ni Baldwin. “First quarter and third quarter, we only gave up 10 points. Those were key quarters. When you set the tone defensively, that really helps your cause.”
 
Sa kabilang banda, lumala naman ang kampanya ng UST na lublob sa 1-9 kartada  sa nine-game losing streak.
(Louis Pangilinan/UAAP)
 
 
Iskor:
 
Ateneo (72) - Andrade 14, Kouame 14, Padrigao 10, Koon 9, Ildefonso 5, Garcia 5, Chiu 4, Lazaro 3, Fornillos 3, Fetalvero 3, Ballungay 2, Quitevis 0, Daves 0, Ong 0, Lao 0.
 
UST (55) - Cabanero 26, Faye 10, Pangilinan 6, Manalang 6, Duremdes 5, Manaytay 2, Calimag 0, Laure 0, Mantua 0, Gesalam 0, Herrera 0.
 
Quarters: 22-10, 35-27, 62-37, 72-55.