Pinalakas ng University of the Philippines ang postseason bid nito sa UAAP Season 85 Women’s Basketball Tournament sa pamamagitan ng 73-56 win laban sa Far Eastern University, Linggo sa UST Quadricentennial Pavilion.

 

Ibig sabihin napabuti nito ang resulta ng baraha ng UP  sa 5-6 para sa ikalimang puwesto sa likod ng dalawang sunod na panalo habang ang FEU ay bumagsak sa 2-9 sa likod ng tatlong sunod na pagkatalo sa ikapitong puwesto.

 

“We’re trying to stay alive in the competition,” sabi ni Fighting Maroons coach Paul Ramos. “Everybody knows we want to get into the Final Four. Each of the remaining games is very, very crucial for us.

 

Laglag ng hanggang 26 puntos sa unang kalahati, nagawang putulin ng Lady Tamaraws ang kalamangan sa 57-49 lamang mula sa jumper ni Queenie Aquino may 6:32 ang natitira sa laro.

 

Gayunpaman, ang 14-5 run na tinapos ng back-to-back baskets ni Christie Bariquit ang nagbigay-daan sa Fighting Maroons na manguna sa 71-54 at hadlangan ang comeback threat na dulot ng FEU.

 

“Our backs are on the wall and we’re just trying to stay alive to give ourselves a chance to get inside,” dagdag ni  Ramos.

 

 

Binandera ni  Bariquit ang UP na may 19 puntos at pitong rebounds habang si Acrissa Maw ay may 15 puntos, 14 rebounds, apat na assist, at tatlong steals.

 

Nag-ambag si Justine Domingo ng 11 puntos, pitong rebounds, anim na assists, at dalawang steals sa laban ng Fighting Maroons.

 

Umiskor din si Rizza Lozada ng 10 puntos at apat na steals para sa UP.

 (Louis Pangilinan/UAAP)

 

Iskor:

 

UP (73) - Bariquit 19, Maw 15, Domingo 11, Lozada 10, Sanchez 8, Tapawan 4, Pesquera 4, Gonzales 2, Rivera 0, Vingno 0, Larrosa 0, Sauz 0.

 

FEU (56) - Jumuad 12, Manguiat 12, Taguiam 10, Go 10, Aquino 6, Obien 3, Pacia 2, Calinawan 1, Delos Santos 0, Salvani 0, Lopez 0, Cunanan 0, Paras 0.

 

Quarters: 21-5, 39-16, 53-41, 73-56.