Walang gaanong naging problema ang National University nang suwagin ang short-handed Far Eastern University, 80-53, para manatiling walang mantsa sa 10 asignatura sa UAAP Season 85 Women’s Basketball Tournament, Linggo sa UST Quadricentennial Pavilion.

Ang Lady Bulldogs, na nakuha ang upuan sa post-season nung Miyerkules, ay naitala din ang kanilang ika-106 magkasunod na panalo.

Namaybay ang NU sa kabuuan ng laro at umungos ng 27 points may 11.3 segundo salamat sa and-one play ni Gheralin Ico kung saan iminando ng Lady Bulldogs ang 13-0 run para tapusin ang laban.

“I’m asking them to be consistent basketball players,” sabi ni Lady Bulldogs coach Aris Dimaunahan kung saan target nila ang karapatang tiket sa finals kung ma-sweep ang elims. “Hindi pwede you try to do too much when you’re leading. You should still play this game how it should be played from the start until the final buzzer.

“Hindi pwede somewhere along the way may mga players kami na susubok ng ganito here and there. We just cannot allow that. Buti na lang we had a cushion from the first quarter,” ani pa Dimaunahan.

Si Annick Edimo Tiky ay may 14 points, 11 rebounds, at dalawang blocks habang kumaldag si Kari Pingol ng 14 points, 11 rebounds, at anim na steals para pamunuan ang NU. Dinugtungan ni Angel Surada ang kanilang bentahe sa kanyang 12 points at siyam na rebounds.

Ang malupit na depensa ng NU ang tumarak ng debidendo sa tropa na umiskor ng 21 points buhat sa turnovers kumpara sa apat ng FEU. Kontrolado ng Lady Bulldogs ang pinta sa kanilang 44 inside points habang 18 ang Lady Tamaraws.

Lagapak ang FEU sa 2-8 record at isang talo mula sa elimination.
(Louis Pangilinan/UAAP)

Iskor:

NU (80) - Edimo Tiky 14, Pingol 14, Surada 12, Cayabyab 8, Cacho 7, Betanio 7, Solis 4, Clarin 3, Canuto 3, Barroquillo 3, Ico 3, Fabruada 2, Bartolo 0, Villareal 0, Talas 0, Dimaunahan 0.

FEU (53) - Taguiam 20, Manguiat 9, Go 7, Pacia 5, Jumuad 4, Obien 3, Aquino 2, Paras 2, Cunanan 1, Delos Santos 0.

Quarters: 25-9, 45-30, 60-44, 80-53