Nanatiling buhay ang University of the Philippines para sa playoff race sa UAAP Season 85 Women's Basketball Tournament habang tinunaw na ang tsansa ng  University of the East matapos warakin ang  wire-to-wire 67-32 win, Linggo sa UST Quadricentennial Pavilion.

 

Iniangat ng Fighting Maroons ang kanilang  kartada sa 4-6 para manatili sa ikalimang puwesto habang ang Lady Warriors ay lublob sa 0-10, laglag na para sa Final Four contention.

 

“I think mathematically, we’re still vying for the Final four,” sambit ni UP coach Paul Ramos. “We can’t control what happens with Ateneo. We can’t control what happens to La Salle and UST.”

 

Puhunan ng UP ang ang malagkit na depensa sa kabuuan ng salpukan. 

 

Pinuwersa ng  Fighting Maroons ang  Lady Warriors na damhin ang 38 turnovers, diretso sa 26 points na kalamangan. Lumista rin ang State U ng 25 steals sa laro kompara sa 11 ng  UE. 

 

Ungos ang State U sa kabuuan ng laban kung saan nilawit pa ang bentahe sa 35 points kaagapay na  ang tres ni Roxanne Lara, 48.4 segundo na lang. 

 

“We’re just focusing on winning all the remaining games so that may opportunity kami so that if our opponents will falter, then may chance kami makapasok sa Final Four," wika pa ni Ramos.

 

Nanguna si Justine Domingo sa UP,  15 points habang sumalat si Cindi Gonzales ng 12 points at 13 rebounds. Hatag din si Shanina Tapawan ng  11 rebounds para sa mithiin ng Fighting Maroons.

 

Wala sa  Lady Warrior ang umiskor ng double-pigura. (Louis Pangilinan/UAAP)

 

Iskor:

 

UP (67) - Domingo 15, Gonzales 12, Bariquit 8, Maw 5, Vingno 5, Larrosa 5, Lozada 4, Pesquera 3, Tapawan 3, Lara 3, Rivera 2, Jimenez 2, Lebico 0, Sanchez 0, Sauz 0.

 

UE (32) - Kone 8, Sajol 8, Terrinal 7, Nama 2, Tinio 2, Gervacio 2, Caraig 2, Paule 1, Lorena 0, Silva 0, Anastacio 0.

 

Quarters: 21-9, 34-19, 50-24, 67-32.