Muling siningasing ng Far Eastern University ang  winless University of the East, 62-56, para mahinto ang kanilang five-game skid sa UAAP Season 85 women's basketball tournament, Linggo sa Smart Araneta Coliseum.

 

Lista ngayon ng Lady Tamaraws ang 2-6 baraha, kasosyo ang Adamson University para sa ikaanim na posisyon, habang lublob ang Lady Warriors sa 0-8.

 

Dapa ng may  19, nailapit ng Lady Warriors ang kalamangan sa lima matapos ang tres ni  Joyce Terrinal may 6:29 sa fourth, 47-52.

 

Pero sumagot sina Camille Taguiam at Princess Jumuad ng walong magkasunod na puntos para ilayo sa kapahamakan ang Lady Tamaraws may 2:59 pa, 60-47.

 

"Sa first round, isa lang panalo namin eh UE rin kaya sa second round, pinrepare talaga namin kasi mag-bounce back din yan eh," sambit ni FEU coach Bert Flores.

 

Si Taguiam ay may kumpletong 15 points, siyam na rebounds, limang assists, at tatlong steals sa laro. 

 

Humugot si Danica Pacia ng 14 points at pitong  rebounds habang kumaldag si Jumuad ng 13 points at siyam na  rebounds.

 

Muling binitbit ni Kamba Kone ang  UE sa impresibong  18-point, 22-rebounds performance, habang nagdagdag si Pauline Anastacio ng 14 points, anim na assists, at apat na rebounds. (Louis Pangilinan/

 

 

Iskor:

 

FEU 62 -- Taguiam 15, Pacia 14, Jumuad 13, Go 7, Delos Santos 4, Paras 3, Cunanan 2, Calinawan 2, Aquino 2, Manguiat 0, Obien 0, Lopez 0, Salvani 0, Samonte 0.

 

UE 56 -- Kone 18, Anastacio 14, Terrinal 11, Sajol 7, Silva 6, Gervacio 0, Paule 0, Delig 0, Lorena 0, Caraig 0, Nama 0, Naman 0, Tinio 0, De Leon 0.

 

Quarters: 23-16, 38-24, 50-40, 62-56.