Balik sa kanilang wisyo ang De La Salle University sa bisa ng pagbali ng sungay ng Far Eastern University, 87-70 sa UAAP Season 85 men's basketball tournament, Sabado sa SM Mall of Asia Arena.
Naging sandigan ng Green Archers ang matinding atake sa second quarter na naging daan para mailawit ang kanilang eight-point lead sa 50-25 margin makaraan ang 32-15 frame.
Napalobo ng La Salle ang kanilang bentahe sa pinakamataas na 31, 66-35, mula sa layup ni Joaqui Manuel, 4:12 mark sa third period.
Pinakamalapit na ang kinse puntos ang nagawa nh Tamaraws sa huling kanto, 66-81, may 3:53 pa.
"Happy with the win today, the boys showed we can bounce back. As I've been telling them, that 0-4 record of FEU, they're a better team than their 0-4," saad ni Green Archers coach Derrick Pumaren.
Nambraso si Schonny Winston para sa La Salle sa kanyang 23 points, 14 rebounds, five assists, at five steals.
Si Kevin Quiambao, na may pang- poster dunk kay Daniel Celzo, ay tumara ng 16 points, eight rebounds, at four assists, habang kumabig si Manuel ng 14 points.
Bumalik sa aksyon si Evan Nelle sa kanyang all-around eight points, 12 assists, six rebounds, at six steals.
Ang Green Archers, na pumagitna na wala si Mike Phillips dulot ng minor right hamstring injury, ay balik itaas .500 sa kartang 3-2, sapat na para sa fourth, habang dausdos ang FEU sa 0-5 - pinakamalas na umpisa sa Final Four era.
Iskor:
La Salle 87 - Winston 23, Quiambao 16, Manuel 14, Nelle 8, Austria 7, Nwankwo 6, Estacio 5, Cortez 4, Abadam 2, B. Phillips 2.
FEU 70 - Gonzales 16, Sajonia 15, Sleat 12, Torres 10, Bagunu 8, Tchuente 3, Tempra 2, Ona 2, Anonuevo 1, Celzo 1, Alforque 0, Sandagon 0.
Quarters: 18-10, 50-25, 74-49, 87-70.