Ni Louis Pangilinan
Nagpamalas ang RAIN or Shine ng all-around game para laktawan ang Blackwater at kahit ang buenamanong pagtimon ni coach Jeff Cariaso, na nagresulta sa 131-108 win Linggo sa PBA On Tour sa FilOil EcoOil Center sa San Juan City.
Gaya ng dati nilang inasal, walang patumanggang umariba ng husto ang Elasto Painters sa loob at labas daan para mangapa ang mga Bossing diretso sa ikalawang sunod na panalo.
Pero higit na markado para sa Rain or Shine, ang 8-2 kartada nito na nasungkit ang pangalawang puwesto sa pre-season tourney na sunod na makakaharap ang Meralco sa darating na Biyernes.
Ang Magnolia, na tinalo ang Rain or Shine dalawang Sabado na ang nakalipas para sa 9-0 karta, ay tiniyak ang sarili sa pinakamataas na baraha anuman ang magiging resulta sa pagsabak nito sa Phoenix Super LPG sa Linggo at Terrafirma sa Miyerkules.
Ang pagkatalo ay hindi lamang gumutay sa tatlong sunod na panalo ng Blackwater bagkus inilaglag din ito sa 6-4 na baraha sa kabila ng personal na paggiya ni Cariaso sa unang pagkakataon sa torneo na inatado ng Arena Plus at itinaguyod ng Bingo Plus.
Si Rain or Shine coach Yeng Guiao, na nagbabakasyon nang talunin ng kanyang tropa ang NorthPort noong Miyerkules, ay pihadong mas ganado sa paraan ng patuloy na pagpapakita ng kanyang koponan ng fine-tune ang laro nito sa regular season noong Oktubre. (Louis Pangilinan/PBA)
Iskor:
Rain or Shine (131) - Santillan 24, Caracut 18, Mamuyac 17, Ildefonso 12, Clarito 11, Demusis 10, Asistio 9, Ponferada 9, Belga 8, Belo 7, Borboran 6.
Blackwater (108) - Ilagan 18, Digregorio 17, Rosario 15, Ular 14, McCarthy 14, Suerte 11, Amer 6, Escoto 6, Casio 3, Publico 3, Banal 1, Ayonayon 0.