Miller pasikat sa FiberXers  sa pagsilat vs Beermen, 106-102

 

Pinasabugan ng 17-point bentahe at laglag ng limang baskets, ipinamalas ng  Converge ang astig na karakter para  makabangon  at umeskapo sa halimaw na lakas ng  San Miguel Beer. Inangkorahe ni Quincy Miller at Aljun Melecio ang matikas na arangkada ng FiberXers para maikabit ang 106-102 pagsilat kontra Beermen sa PBA Commissioner's Cup Biyernes ng gabi sa  PhilSports Arena.

 

 

Iginiit ni Miller ang kanyang sariling presensyang pumulas sa ilalim, mintis lang ng isang block para sa triple-double job habang kumaldag si Melecio ng  career-high 18 markers na hinatagan ng pitong seven assists kung saan umangat ang Converge na makasosyo sa ikatlong puwesto kasama ng NLEX,  3-2.

 

 

Umukit din ng  solidong suporta mula kina  Maverick Ahanmisi, Jeron Teng at ang nagbabalik na si Mike Digregorio, nagawang manindigan ng FiberXers laban sa  Beermen at tambangan ang kanilang tagumpay sana sa unang laro ng kanilang bagong import Devon Scott.

 

Buhat  sa 106-99 win kontra  Meralco sa huling laban, siningasing ng FiberXers ang ikalawang sunod na panalo na sinaksihan ng  cheering crowd sa pangunguna ni team owner Dennis Uy.

 

 

Binomba ng ganadong  Converge top boss ang kanyang kamao sa ere kung saan kinumpleto ng FiberXers ang pagbalikwas laban sa tropa ng SMB na wala ang presensya ng kanilang  main man June Mar Fajardo.

 

Pinalitan ni Scott sa SMB  ang dating import na si Diamond Stone, na kumana ng 16 points at 15 rebounds habang pinamunuan nina CJ Perez at Moala Tautua ang parte sa opensiba na may  29 at 23 markers, ayon sa pagkakasunod.(Louis Pangilinan/PBA)

 

 

Iskor:

 

Converge 106 – Miller 24, Melecio 18, Teng 13, DiGregorio 12, Ahanmisi 10, Ilagan 8, Bulanadi 8, Arana 7, Tratter 3, Stockton 3, Hill 0.

 

San Miguel 102 – Perez 29, Tautuaa 23, Scott 16, Lassiter 7, Enciso 6, Herndon 6, Cruz 6, Manuel 6, Brondial 3, Ross 0, Zamar 0.

 

Quarters: 33-24; 59-48; 86-79; 106-102.