San Miguel Beer hinambalos ang Phoenix, quarterfinal seat sigurado

San Miguel Beer hinambalos ang Phoenix, quarterfinal seat sigurado

San Miguel Beer hinambalos ang Phoenix, quarterfinal seat sigurado
PBA

San Miguel Beer hinambalos ang Phoenix, quarterfinal seat sigurado

Share to Facebook Share to Twitter Share to Google Plus

Ibinato ng San Miguel Beer ang kanilang
puwersa sa Phoenix Super LPG, 110-80, para opisyal na sumanib sa quarterfinals club sa 46th PBA Philippine Cup, Biyernes sa Don Honorio State University Gym sa Bacolor, Pampanga.

Sinindihan ng Beermen ang 10-2 pasabog sa hulihan ng ikalawang kanto para akuin ang kontrol ng laro at sinustena hanggang sa kalahati ng aksiyon at ilista ang kanilang ikaanim na panalo sa siyam na asignatura.

Sapat na para sa tropa ni coach Leo Austria na makasiguro ng upuan sa Last-8 kasama ng No. 1 TNT Tropang Giga, Meralco (6-2), Magnolia (6-3), at Rain or Shine (6-4).

Kasalukuyang nasa ikaapat na posisyon, napanatili din ng SMB na makalaro sa karera para sa No. 2 seeding at twice-to-beat advantage sa playoffs.

Tumaktak si CJ Perez ng 24 points habang nagdagdag si Mo Tautuaa ng 19 at June Mar Fajardo ay pomoste ng 18-11 kung saan napuwersang ibangko ng Beermen si Terrence Romeo sa ikalawang kanto dahil sa isyu ng Achilles tendon.

"Sabi ko sa kanila before the game, we have to bounce back (from the loss to Rain or Shine) and talagang nakita ninyo nag-bounce back kami tonight," sambit ni SMB coach Leo Austria.

"I'm not expecting ganitong magiging outcome (30-point margin) but credit to CJ and the rest of the crew for going all-out. They knew the importance of this game as far as our quarterfinals bid is concerned."

"I'm happy inspite of roller-coaster namin sa tournament, we're able to come back and win the game when it mattered the most," aniya pa.
Iskor:

San Miguel Beer 110 - Perez 24, Tautuaa 19, Fajardo 18, Santos 16, Ross 9, Lassiter 8, Pessumal 5, Zamar 5, Romeo 3, Sena 3, Gotladera 0, Comboy 0, Gamalinda 0.

Phoenix 80 - Perkins 18, Banchero 13, Muyang 12, Garcia 11, Wright 10, Manuel 8, Chua 6, Jazul 2, Calisaan 0, Pascual 0, Melecio 0, Tamsi 0, Rios 0.

Quarters: 24-21, 55-47, 85-59, 110-80.

(Photo Courtesy by:Pba.ph)