Humarabas si rookie Mikey Williams ng career-high 36 para manumbalik ang TNT sa daan ng panalo laban sa NLEX, 100-85 Biyerbes sa 46th PBA Philippine Cup sa Bacolor, Pampanga.
Sinindihan ng celebrated Fil-Am guard ang scoreboard sa Don Honorio Ventura State U Gym, rumatrat ng lima sa kanyang siyam na three-point attempts para sa 13 of 20 field goal sa kalahatan, at pamunuan ang pag-aalab ng TNT sa second half na siyang nagsilbing panambang sa panalo.
Naiangat ng Tropang Giga ang kanilang record sa 7-1 at mabilis na nakabawi buhat sa 67-83 pagkadulas sa kamay ng San Miguel Beer.
San Miguel, Coach (Chot Reyes) challenged us because we didn't play TNT basketball at all," sambit ni Williams, na inareglo ang kanyang scoring spree na ma tatlong assists at dalawang steals.
"We responded and we did what we had to do today against NLEX, which is a very good team."
Gumatilyo si Williams ng walo sa third quarter, kung saan siya, Kib Montalbo at RR Pogoy ay nagsabwatan sa 33-19 ratratan para lumayo sa kabihasnan ng TNT, 80-68.
"We know that NLEX, after coming off a double overtime loss, would come out hard and we thought if we could match their intensity and stay with them, we could wear them down," sambit ni TNT coach Chot Reyes. (LP/PBA)
Iskor:
TNT 100 - M. Williams 36, Montalbo 13, Pogoy 13, Erram 10, K. Williams 10, Rosario 7, Reyes 4, Heruela 4, Marcelo 3, Castro 0, Alejandro 0, Javier 0, Mendoza 0.
NLEX 85 - Alas 16, Miranda 14, Trollano 14, Oftana 11, Quinahan 9, Cruz 8, Porter 5, Semerad 5, Paniamogan 3, Soyud 0.
Quarterscores: 23-26, 47-49, 80-68, 100-85.
(Photo Courtesy by: Pba.ph)