Niligwak agad ng Alaska ang Blackwater 103-77 Biyernes sa pagsisimula ng 2021 PBA Philippine Cup sa Ynares Sports Arena sa Pasig.
Kinaltok ng Alaska ang balansiyadong scoring sa ikatlong kanto sa likod ni veteran Gab Banal, na iniskor ang lahat ng walong puntos sa yugto, para tulungan ang kanyang tropa sa 71-57 bentahe matapos ang third.
Tinangka ng Blackwater na umalsa sa kinamadang baskets ni Mike Tolomia para ihatid sa anim na lang na ungos, 76-70, pero kinasihan ng tres ang Aces mula kina Mike DiGregorio at Jvee Casio para maibalik ang doble pigurang kaungusan 82-70, 6:58 ang nalalabi.
Si DiGregorio, na tumuhog lang ng tatlong puntos sa unang bahagi, ay nagawang uminit sa ikalawang kabanata diretso sa 20-point game mula sa episyenteng 8/12 shooting clip. Ang higanteng si Yousef Taha ay nagdomina rin sa aksyon na may 16-marker, seven-board performance.(LP/PBA)