MANILA – Nagdagdag pa ang Kyusi ng mga panuntunan para sa ipinalawig na general community quarantine (GCQ) sa Metro Manila, epektibo nitong Martes.

Sa kabila ng pagbubukas ng marami pang business establishments para matulungan ang ekonomiya, pinaalalahanan naman ng QC government ang mga residente na ang quarantine passes o company IDs ay kailangan pa rin kapag pumasok sa alinmang istablisimyento sa lungsod.

“Either a quarantine pass or company ID shall remain required to enter establishments such as commercial buildings, markets, and shopping centers. The foregoing establishments are reminded that a company ID should be accepted as an alternative if the customer does not have a quarantine pass," nakasaad.

Ayon kay Belmonte, limitado o bawal pa rin ang mga pagtitipon sa siyudad kabilang na ang leisure o non-essential purposes tulad ng movie screenings, concerts, sporting events, at iba pang entertainment activities, community assemblies, at non-essential work gatherings.

Ang pangrelihiyong pagtitipon ay pinapayagan lamang sa sampung porsiyento ng venue capacity batay sa direktiba ng Inter-Agency Task Force for the Management of Emerging Infectious Diseases.

“Limited social gatherings such as small parties, receptions and the like may be held provided attendees are not more than 10 persons and physical distancing is observed,” nakalahad sa panuntunan.

Gaya ng ibang mga siyudad sa National Capital Region (NCR), gyms, fitness centers, at sports facilities na may city business permits ay makapagbubukas ng hindi lalagpas sa 30 porsiyento ng kanilang venue capacity, basta't inoobserba ang physical distancing at iba pang health protocols ay nasusunod.

Para sa sports facilities, nakasaad sa panuntunan na tanging individual workouts o sports ang papayagan at ang group workout sessions gaya ng zumba at yoga ay nanatiling ipinagbabawal.

 “Open-air parks such as Quezon Memorial Circle, La Mesa Ecopark, Ninoy Aquino Parks and Wildlife and other similar establishments may open at the discretion of their management, for non-contact and non-group limited exercise or sports activities such as walking, jogging, swimming, bicycling, tennis, etc,” nakasaad.

Ang mga Internet cafe at computer shops na may city business permits tinatayang 30 square meters size ay ngayo'y puwede na sa QC basta't ang workstations ay may agwat na tinatayang isang metro sa pagitan ng workstations.

Ang personal grooming establishments para sa mga gupitan, kuko at skincare ay papayagan na rin basta't ang mga empleyado ay armado ng kanilang face masks at face shields at ang kagamitan. service cubicles, at workstations ay regular na na-sanitized para maprotektahan ang kanilang trabahador at ng mga suki.