MANILA – Pansamantalang sinuspendi muna ang mga locally stranded individuals (LSIs) sa Region 8 (Eastern Visayas), at lalawigan ng Negros Occidental at Iloilo sa loob ng dalawang linggo na nagsimula nitong June 27 kasunod ng pangamba sa kaso ng coronavirus disease 2019 (Covid-19) sa nasabing mga lugar.

Sa pahayag nitong Lunes ni Defense Secretary Delfin Lorenzana, chairperson of National Task Force Against Covid-19, napagdesisyunan nila ang kautusan matapos na mapag -alaman nila na ang Samar at Leyte ay lomobo ang bilang ng Covid-19 cases, kung saan pinapalagay ng local government units ay sanhi ng pagdami ng bumabalik na mga residente mula sa Kamaynilaan at Cebu.

Nakapagtala na ang Eastern Visayas ng tatlong pumanaw dulot ng Covid-19.

Samantala ang Negros Occidental at Iloilo ay humiling na patigilin muna pansamantala ang repatriation dahil sa paglaki ng bilang ng LSIs ay nagbuhat dito sa mga lalawigan at kulang ang kanilang kakayahan tumanggap ng mga tao, ani Lorenzana.

Ang 2-linggong suspension ay para madetermina ng task force ang mas angkop na pamamaraan at matiyak na ang mga bumabalik na residente ay Covid-19-free gayundin ang matulungan ang LGUs na mapabuti ang pagresponde nila sa krisis.(LP/PNA)