MANILA – Mahigpit nang pinagbabawal sa mga residente ng Lungsod ng Cebu na positibong nahawaan ng Covid-19 ang sumailalim lang sa home quarantine.
Sa panayam kay DILG Secretary Eduardo Año, vice chairperson ng Inter-Agency Task Force for the Management of Emerging Infectious Diseases (IATF-EID), sinabi nitong maraming residente ang nagpa-home quarantine ngunit mas madalas na lumalabag sa protocols na nagiging sanhi ng pagkahawa sa komunidad.
"Dapat wala munang home quarantine, lahat ng positive ay ilalagay sa facilities. Pag naka-home quarantine yan, maraming violation yan at hindi talaga yan maipatutupad ng maayos, dapat talaga i-extract mo ang lahat ng positive, ilagay natin sa isolation facility," sabi ni Ano.
Binanggit pa ni Año na napaka-"supportive" ni Cebu City Mayor Edgar Labella sa mga panuntunan kung saan ang pamahalaang lungsod ay pinagagana din ang lahat ng kanilang mapagkukunan para mapunuan ng todo ang mga situwasyon ng paglaban sa virus.
Tinuran din ni Año ang kailangan para sa mas istriktong pagpapatupad ng mga checkpoint at health protocols kung saan maraming residente ang hindi nagsusuot ng face masks at hindi nasusunod ang physical distancing.
Nagkaroon sila ng isang priority na sana buksan ang economy pero at the end ay dumami yung movement at dumami rin yung (rate of) contamination," aniya.
Napakinggan si Environment Secretary Roy Cimatu na siyang namuno para labanan ang Covid-19 sa siyudad, ani Año, tiwala siya (Cimatu) na magbabago ang kalagayan sa Covid-19 sa loob ng dalawang linggo: "if everyone will cooperate". (LP/PNA)