MANILA - Disidido na ang misis ni sports journalist Robbie Pangilinan na mag-file ng reklamo laban sa BDO matapos mapag-alamang binawasan ng P77,000 mula sa kanilang joint account na walang anumang permiso o pasabi sa kanila na nangyari pa nitong nakaraang February 13, 2020 .
"Its been almost 4 months, hanggang ngayon wala pa rin silang update sa kinuha nila sa account namin," desperadong bulalas ni Pangilinan.
Si Pangilinan ay nakatakdang sumailalim sa angioplasty matapos ang heart attack buhat pa noong 2011, na-stroke nung 2017 at 2019, at matinding palpitations mula pa noong nakalipas na taon.
Sa nakalipas na siyam na buwan, nagsagawa na ang pamilya sa pagkalap ng pondo para ilaan sa magastos at kinakailangang agarang medical procedure.
“We had a BDO joint account for seven years already. After my husband’s check up at the Heart Center, I withdrew cash for our lunch, and was shocked to find out that we were losing 77k,” malungkot na turan ni Marissa Pangilinan, na agad namang tinawagan ang BDO hotline para i-report ang nawawalang pera.
Inilipat ng customer service representative ang tawag sa iba pang opisina, na sinabing hindi nila puwedeng ibunyag kay Marissa ang dahilan kung bakit ang P77,000 ay na-debit buhat sa account. Tinanong ng CSR si Robbie, na wala ang kanyang asawa (Marisa) sa mgaa oras na 'yun. Inimpormahan ng CSR si Marissa na kailangan ni Robbie na tawagan ang isang numero para sa mas masugid na detalye sa pagkawala ng pera.
Desperado ang Pamilya Pangilinan kung saan ramdan nila na ang kanilang perang pinaghirapan ay hindi ligtas sa bangkong kanilang pinagkatiwalaan.
“Kinuha nila without informing us. Sana man lang tinawagan nila kami at kinausap bakit nawala yung pera namin sa banko mismo nila. Hindi po ito ATM scheme or na-hack dahil sa purchase. Nawala yung pera namin dahil kinuha mismo ng BDO. No email, document or reminder that they will get our money ,” ani pa Marissa. Hinang hina si Robbie na magkomento sa pangyayari sa mga panahong 'yun.
Sa panig ng BDO, si Robbie ay may credit card debt sa nakalipas na 10 taon.
Tinukoy nila ang BDO ATM-debit card Terms and Conditions: In case of overcredit, erroneous credit, failure to debit, erroneous debit, misposting, or any error in transaction involving any amount to Cardholder’s Account/s as appearing in the records/books of BDO… Cardholder hereby agrees and undertakes to immediately return to BDO the Amounts/s Due to BDO without need of notice or demand, plus any and all expenses, costs and damages which BDO may have incurred, including penalty interest at BDO’s then prevailing loan rate based on the Amount’s Due to BDO, in connection with the enforcement of BDO’s right to recover and collect the Amount/s Due to BDO.
Isinaad din sa T&C na ang cardholder ay inaatorisahang irrevocably ang BDO at representatives nito na gawin ang debiting of funds mula sa his/her account ang halagang nararapat sa BDO, na walang kailangang higit pang mga hakbang at patunay.
Ang mag -asawa ay nagsumite ng complaint letter ngunit hanggang sa ngayon ang BDO ay walang malinaw na aksiyon o kasagutan.
Hihingi ang Pangilinan family ng tulong mula sa Banko Sentral ng Pilipinas hinggil sa insidente.(LP)