SENTRO ng usapin ang mga programa sa Indigenous Games sa pagsisimula ng webinar ng Philippine Sports Commission (PSC) 2021 Indigenous Sports and Games Webinar Series: Preserving and Promoting the Rich Cultural Heritage of our Ancestors ngayon,
Ang apat na serye ng seminar ay bahagi ng pagdiriwang ng Indigenous Peoples’ Month at magtatampok sa mga kilalang resource speakers sa naturang programa.
Sisimulan ni Tourism Officer of Hungduan, Ifugao Haydee Hermosora ang programa sa pagtatalakay sa paksa na “Punnuk”, isang matandang kaugalian at tradisyon na ginagawa ng mga residente ng Hungduan bilang pasasalmat sa masaganang ani. Kinila ito bilang isa sa Intangible Cultural Heritage of Humanity ng United Nations Educational, Scientific, and Cultural Organization (UNESCO) noong 2015.
Tatalakayin naman ni Professor Jo-Ann Gimenez Grecia ng Department of Professional Education, University of East (UE) Manila ang “Teaching Philippine Games: Perspective from Non-Indigenous Physical Educator” sa October 21.
Susunsan ito ng paksang ‘Cultural Sensitivity’ ni Director Ferdausi S. Cerna ng Bureau Office of Education, Culture, and Health of the National Commission on Indigenous Peoples (NCIP) sa October 28.
Ang huling paksa sa Nobyembre 5 ay ang “Traditional and Indigenous Games as Intangible Cultural Heritage” na tatalakayin ni Prof. Pere Lavega, President of the European Association of Traditional Sports and Games.
Umaasa si PSC Commissioner Charles Raymond A. Maxey, oversight for the Indigenous Peoples Games program, na mas mapapataas ng naturang programa ang kamalayan ng Pilipino, higit ng mga kabataan sa kahalagahan ng mga matatandang kaugalian at tradisyon.
“We believe that these honored resource speakers will further encourage not just the Indigenous Peoples (IPs) but all Filipinos to promote and showcase our traditional games,” pahayag ni Maxey.
Kabuuang 1,000 kalahok ang inaasahang lalahok sa programa, sa pagtataguyod ng NCIP at Pocari Sweat, ganap na 1:00 ng hapon via Zoom.