Ang papapalawig ng enhanced community quarantine (ECQ) sa Metro Manila at sa mga kalapit lalawigan nito matapos ang itinakdang pag-alis April 4 ay makakapagpabagal nang pagkalat ng coronavirus disease 2019 (Covid-19), ayon sa official ny National Task Force (NTF) Against Covid-19.
"Kung ako ang tatanungin, 'yung syempre ang health side, maganda tuloy-tuloy. In fact, baka more than one week pa nga hanggang humaba yung reproduction number," sambit ni NTF medical adviser Dr. Teddy Herbosa sa panayam sa Laging Handa press briefing.
Gayunman, sinabi ni Herbosa na ang pagpapatupad ng lockdown ay kailangang may kasamang patuloy na pagresponde sa pandemya, tulad ng testing, isolation, at contact tracing.
"Yung ECQ, syempre pag pinahaba mo yan mababawasan talaga yung paghawa-hawa ng ating mga kababayan sa sakit na ito, pero dapat kasabay ito ng public health measures (Extending the EQC will reduce the disease transmission among people but it has to be accompanied by other public health measures)," aniya. "Kaming mga doktor, siyempre ang gusto namin ay huminto ang epidemya o yung pagkalat ng nakakahawang sakit na Covid-19 (We doctors, of course, want a stop to the epidemic or the spread of this contagious disease of Covid-19)."
Aminado din si Herbosa na ang ipinatupad na lockdown nung nakaraang taon ay naging matindi ang epekto sa ekonomiya at sa istriktong galawan.
Tinukoy din niya na ang pagpapalawig ng ECQ o hindi ay mabigat na desisyon para sa Inter-Agency Task Force for the Management of Emerging Infectious Diseases (IATF).
Ang mga technical expert ng IATF sa health at epidemic, gayundin kasama ang mga eksperto sa ekonomiya at serbisyong panglipunan, ay inaasahang tatalakayin sa anumang posibleng ekstensiyon ng ECQ sa National Capital Region (NCR) Plus bubble.
"Mabigat ang desisyon and I do hope matulungan sila at maka-come up sila ng magandang solusyon na magba-balance ng lahat ng factors na ito (It would be a difficult decision and I do hope they could be helped and come up with a good solution that would balance all these factors)," ani Herbosa.
Maraming hospitals sa Metro Manila at iba pang quarantine facilities na pinapangasiwaan ng local government units (LGUs) ay umabot na sa kanilang full-bed capacity para sa Covid-19.
Binalaan niyang ang punuan nang mga ospital ay maaring hindi na kakayaning dalhin ang bilang ng mabilis na pagtaas ng nahahawaan kapag inalis na ang
lockdown.
"Puno ang mga ospital, kapag nag-open up tayo, siguro dadami pa 'yung kaso baka hindi maka-adapt yung ating local hospitals at saka mga quarantine facility," ani Herbosa.
Ang Metro Manila at ang probinsya ng Laguna, Bulacan, Cavite, at Rizal ay sumailalim sa pangalawang linggong ECQ hanggang Abril 11.(LP)
Photo Courtesy : ABSCBN