Timog, Quezon City - Inatasan ni Quezon City Mayor Joy Belmonte, Biyernes, ang 142 barangays ng lungsod na maging mapagmatyag laban sa bagong strain ng coronavirus kaugnay sa ulat kamakailan na may na-detect na sa bansa.
Direkta niyang inaatasan ang mga barangay official na imonitor ang mga residente na dumarating buhat sa ibang bansa, lalo na dun sa may 20 countries kung saan may bagong virus strain na kumakalat gaya ng United Kingdom, Middle East, Turkey, the Netherlands, France, Australia, at China, at iba pa.
“Following the old adage ‘prevention is better than cure,’ we are now focused on stopping the new virus strain from spreading here,” ani Belmonte.
Aniya pa, plano ng siyudad na hilingin sa mga hotel na kasalukuyang ginagamit bilang quarantine facilities na pagkalooban ang lungsod ng mga listahan ng pangalan na nakarehistro sa kanilang mga pasilidad.
Hangad din ng city government na makahingi ng tulong mula sa Bureau of Quarantine sa pagkilala sa kanilang mga residente na bumalik mula sa ibang mga bansa.
Tiniyak ni Joseph Juico, QC Task Force on COVID-19 head, ang mga residente ng city government na pinagpapatuloy ang kanilang contact tracing efforts, improved quarantine facilities at mapalawak ang
testing capabilities.
“Prior to this report of a new strain, we have established a good strategy to improve surveillance, and control surges, upticks and possibly this new COVID-19 variant,” aniya.
Ipinangako niyang patuloy nilang pinaalalahanan ang mga residente na mahigpit na sundin ang ang basic health protocols sa kabila ng mga balita ng pagtaas ng transmission rate ng bagong variant sa pamamagitan ng pinaigting na communication campaign.(LP/MST)