Aprub sa Metropolitan Manila Development Authority (MMDA) ang pagtalaga kay dating Mandaluyong City Mayor Benjamin “Benhur” Abalos, Jr. bilang bago nitong chairman, kapalit ng yumaong si Danilo Lim na pumanaw noong nakalipas na linggo dulot ng Covid-19.
Sa news release, Lunes, sinabi ni MMDA General Manager Jojo Garcia nakapokus syang makatrabaho si Abalos, na kilala sa industrial at commercial development ng Mandaluyong City.
Si Abalos ay dating miyembro ng Metro Manila Council, ang policy-making body ng MMDA.
“The MMDA welcomes the appointment of former city mayor Benhur Abalos as our new chairman. We vow to support his leadership, plans and programs in the pursuit of efficient and quality public service,” ani Garcia.
Si President Rodrigo Duterte ang nagsagawa ng oath of office ni Abalos sa Malacañang Palace, Lunes ng hapon.
Si Abalos ay anak ni former Commission on Elections chairman Benjamin Abalos, Sr. na nagsilbi ding MMDA chairman mula January 2001 hanggang June 2002. Kasal siya kay incumbent Mandaluyong City Mayor Carmelita Aguilar-Abalos.
Nagsilbi ng 15 taon si Abalos bilang alkalde ng Mandaluyong City. Unang naging meyor mula 1998 to 2004, na humalili sa kanyang ama. Muling naging mayor para sa ikalawang pagkakataon mula 2007 to 2016.
Nagsilbi rin siyang pangulo ng Union of Local Authorities of the Philippines at League of Cities of the Philippines mula 2007 to 2010.
Si Abalos, multi-awarded mayor ay maraming awards na ang natamo sa ilalim ng kanyang pamumuno.
Taong 2015, ginawaran siya ng United Nations Public Service Award bilang pagkilala sa kanyang Project TEACH initiatives - ang programang nagbibigay ng free services at intervention sa indigent children na may special needs.
Tumanggap din sa Abalos ng iba pang pagkilala bilang Mayor of Mandaluyong sa loob ng 15 taon, gaya ng Outstanding City Mayor and Exemplary Humanitarian Service Award at Champion Activist of Children’s Rights and Welfare. (LP/PR)