IMBITADO ang Philippine Volleyball Federation (PVF) sa 37^th World Congress ng International Volleyball Federation (FIVB).

Pinadalhan ng FIVB, sa pamamagitan ni Ms. Daniela Pirri ng FIVB President’s Office, ng imbitasyon si PVF president Edgardo ‘Tito Boy’ Cantada upang dumalo sa  37th FIVB World Congress ‘virtual meeting’ sa  Pebrero 8-10.

Ikinasiya ni Cantada ang pagkilala ng FIVB na pagpapatunay sa katayuan ng asosasyon bilang tanging miyembro ng International volleyball federation.

“PVF is attending the 37th FIVB World Congress as the officially recognized member representing the Philippines in the FIVB,” pahayag ni Cantada.

Orihinal na nakatakda ang pulong nitong Oktubre 15-17, 2020 at naiurong nitong Enero 27-29 sa Phuket, Thailand, ngunit bunsod ng patuloy na banta ng COVID-19 pandemic, isasagawa ito via virtual.

 “I hope this email finds you well. The email from the platform have been already sent to you and I can see that you have already insert 2 names as delegates. I sent you again the email to reset your password in case your would like to make changes,” pahayag sa sulat ng FIVB. (LP/PVF)