Latest News

• Weightlifting

San Beda, naka-abang sa makakalaban...

• Ni Louis Pangilinan 

Tatlong eskwelahan ang magbabakbakan para harapin ang defending champion na San Beda University (SBU) Red Lions sa NCAA Season 95 stepladder semifinals na magsisimula ngayong Martes (Nobyembre 5) sa FilOil Flying V Centre sa San Juan City. 

Maghaharap sa isang “do-or-die match” ang San Sebastian College-Recoletos (SSC-R) Golden Stags, na nakuha ang ika-apat na puwesto, at ang nasa ikatlong puwestong na Colegio De San Juan De Letran (CSJL) Knights, na mapapanood ng LIVE sa ABS-CBN S+A at iWant ng 4 pm. 

Kung sino man ang manalo sa dalawang koponan ang kakalaban sa Lyceum of the Philippines University (LPU) Pirates, na pumangalawa sa standings, para sa karapatang makaharap ang SBU sa Finals.

Naging stepladder ang semifinals ng torneo pagkatapos maipanalo ng Red Lions ang lahat ng laro sa double round eliminations sa pinagsamang lakas ng nangungunang kandidato sa pagka-MVP na si Calvin Oftana at ang kanilang point guard na si Evan Nelle.

Matarik ang aakyatin ng tatlong koponan para maabot ang Finals kontra SBU Red Lions at hindi na makapaghintay na magsimula sina Jerrick Balanza ng Letran, Allyn Bulanadi ng SSC-R, at ang kambal na Jaycee at Jayvee Marcelino ng LPU.

Para kay Balanza at Bulanadi, parehas pa nilang naiisip ang duwelo ng kanilang mga eskwelahan noong Season 93, kung saan nasulot ng Stags ang ika-apat na puwesto sa Final Four salamat sa dating big man nilang si Michael Calisaan.

Samantala, ayon naman sa kambal na Marcelino ng LPU, parehas nilang pinaghahandaan ang SSC-R at Letran at kaya nilang harapin kung sino man sa dalawang eskwelahan ang mananaig sa Martes (Nobyembre 5).

Huwag palampasin ang NCAA Season 95 stepladder semis ngayong Martes (Nobyembre 5) LIVE sa S+A at iWant mula sa FilOil Flying V Centre sa San Juan ng 4 pm sa bakbakang CSJL Knights at SSC-R Stags para sa pagkakataong makaharap ang LPU Pirates para lumusot sa Finals.

Para sa balita sa NCAA, sundan ang @ABSCBNSports sa Facebook at Twitter o bumisita sa sports.abs-cbn.com. Para sa updates, sundan ang @ABSCBNPR sa Facebook, Twitter, at Instagram o bumisita sa www.abs-cbn.com/newsroom.

• PSC-SEAG

Filipino Japanese Kiyomi Watanabe, the country's top female judoka is almost assured of qualifying in next year's Tokyo Olympic Games.

Ang kauna-unahang HADO Pilipinas champion…

Tinanghal na kampeon ang De La Salle-College of Saint Benilde (CSB) AniGators sa kauna-unahang NCAA HADO Pilipinas Tournament Finals na ginanap noong Biyernes (Oktubre 25).

Tinalo ng AniGators ang Emilio Aguinaldo College (EAC) Crim Pythons para maging kinatawan ng Pilipinas sa gaganaping HADO World Championships sa Tokyo, Japan ngayong Disyembre.

Binubuo ang Anigators nina Niccolo Perez, John Basoc, Jael Dango, Mika Lariosa, at Fiel Julo na tinapos ang torneo na hindi nababahiran ng talo. Handa na silang harapin ang iba’t iba pang koponan ng HADO sa buong mundo para sa premyong nagkakahalaga ng ¥2 million.

Isang inobasyon ang Hado Pilipinas ng ABS-CBN subsidiary na ABS-CBN Themed Experiences, sa pagpapatuloy na paghahandog ng network ng kakaibang karanasan para sa mga Kapamilya. Unang ipinakilala ang nasabing techno sport noong Hulyo sa simula ng ika-95 na season ng NCAA.

Maaari nang masubukan ang HADO sa COSLANDIA 2019 sa SMX Aura sa darating na Linggo (Nobyembre 3). Nalalapit na ring buksan ang inaabangang HADO Camp sa loob ng ABS-CBN.

Para sa karagdagang detalye, sundan lamang ang @hadopilipinas sa Facebook, Twitter at Instagram. Para sa mga update, sundan ang @abscbnpr sa Facebook, Twitter, at Instagram o bumisita sa www.abs-cbn.com/newsroom.Louis Pangilinan