Eivanne Jacob Cruz nagkampeon sa January 2025 Nova Wellness Store Standard Chess Tournament

Eivanne Jacob Cruz nagkampeon sa January 2025 Nova Wellness Store Standard Chess Tournament

Eivanne Jacob Cruz nagkampeon sa January 2025 Nova Wellness Store Standard Chess Tournament

Share to Facebook Share to Twitter Share to Google Plus

ni Marlon Bernardino
Umiskor si Eivanne Jacob Cruz ng krusyal na panalo laban kay Romnick Pillos sa ikaanim at huling round para angkinin ang kampeonato ng January 2025 Nova Wellness Store Standard Chess Tournament nitong weekend sa Met Live, Metro Park, EDSA Extension corner Pres. Diosdado Macapagal Blvd. sa Pasay City.


Matapos makihati ng puntos kay Edgardo Maano Jr. sa ikalimang at penultimate round, nakabangon si Cruz nang may pananabik na ibagsak si Pillos sa kanyang huling assignment.
Iyon lang ang kailangan ni Cruz para makuha ang titulo na may pinakamataas na output na 5.5 points sa anim na outings dahil sa 5 panalo at 1 draw. Nagbulsa siya ng P10,000 para sa kanyang pagsisikap nitong 2-day (Enero 25-26, 2025) FIDE Standard chess tournament, na sinuportahan ng Nova Wellness Store, Starshots Coffee , Axe Brand Universal Oil at sanction ng National Chess Federation of the Philippines .
Ginulat naman ni Maano ang top seed na si Emmanuel Barbosa sa huling round para umiskor ng katulad na 5.5 puntos. Dahil sa kanyang lower tie break points, si Maano ay bumagsak para sa second place honors para makatanggap ng P7,000.
Nauna rito, tinalo ni Cruz si Matthew Dominic Sta. Maria (Round 1), Gener Subia (Round 2), Joel Obogne (Round 3) at Jericho Winston Cu (Round 4).
“I am very happy with my victory," sabi ni Cruz, na isang online Arena International Master (AIM).
Samantala, tinalo ni Maano sina Seth Raphael Lee (Round 1), Kanau Ozawa (Round 2), Israel Cohen (Round 3) at Jin Clark Myco Miranda (Round 4).
Tinapos nina Michael Punzalan, Karlycris Clarito Jr., Andrew San Antonio, Celine Santillan, Subia at Van Opada ang torneo na may katulad na 5.0 puntos; habang sina Barbosa, Miranda, Kirk Anthony Vidad, Stephen Zane Quinto, Pillos, Windale Tan, at Eugene Taroc ay may magkaparehong 4.5 puntos.
Pinangunahan nina Woman Grandmaster Janelle Mae Frayna, International Master Jan Emmanuel Garcia, Chief Arbiter Ranier Pascual, Deputy Chief Arbiter Ferdinand Reyes Sr. at Mr.Travis Vincent Chua ang closing rites.
"The event is aimed at developing good thinkers through the understanding of chess strategies and tactics, improving the logical abilities and rational thinking and reasoning of the participants, and instilling a sense of self-confidence, self-worth and camaraderie," sabi ni IM Garcia, Chess Program Head sa Ateneo de Manila University.
Ang 2-day FIDE Standard tournament ay nasilayan ang 100 woodpushers.-Marlon Bernardino-
Caption photo:
Nakatuon si Travis Vincent Chua (kanan)  sa kanyang susunod na next moves kontra kay  Aizyleen Mack Lee.