ni Marlon Bernardino
Nakatakda na ang lahat para sa pagtatanghal ng 1st Tabuko Cabuyao Rapid Chess Tatluhan Team Tournament sa Nobyembre 9, 2024 sa Waltermart Mall sa Sta. Rosa, Laguna.
Sina Rey Julius Taguba, Lightus Daleon at Christian Ace Alcira, ang mga nangungunang manlalaro ng Jolly Smile Dental Clinic chess team ay masigla na ngayon sa kanilang pag-asang makakalaban sa rapid chess tatluhan team tournament na ito, na tinatawag na Pisakan 3 vs 3 rapid chess team tournament kasama ang kampeon na uuwi na may pinakamataas na premyo na P20,000.
"We hope to do well in this event," sabi ni Taguba na certified online Arena Grandmaster.
Ang second hanggang fifth placers ay kikita ng P12,000, P8,000, P5,000 at P3,000, ayon sa pagkakasunod. Ang ikaanim hanggang ika-10 puwesto ay makakatanggap ng tig-P2,000.
Mga espesyal na premyo para sa nangungunang senior team, top female team, top kiddies team at top performer sa board 1, board 2 at board 3.
Ang iba pang participating teams ay ang Tanauan chessers na ginabayan nina Efren Arguelles, Frederick Manilay at Marc Anthony , Team Mannibak na binubuo nina Noel Glifonea , Chester Concordia t Roy Sorre, Team of Big Boys na rerendahan naman nina Leonard Raymond Reyes, Ace Bryant Ortega at Alfahad Ali, Makiling Chess Club Team A nina Richie Jocson, Joselito Puyo at Clyde Jared Toreña at Makiling Chess Club Team B nina Zedric Silva, Zafirah Jahly Toreña at Terrence Relativo.
Kalahok din ang Niugan Knight Warrios (Gian Cuenca, Noah Saet, Axcen Mateo), Larry Dumadag Team A (Virgilio Alba, Larry Egargue, Louie Orozco), Larry Dumadag Team B (Gary Legaspi, Lourecel Hernandez Ecot , Mark Justin Fortadez), QPCPA TEAM (Arvie Tombo, John Carlo Siaga, Jeroniel Perez), Scrabble Advocates (Ramon Esteves, Mark Alvin Chua, Norman Gaca) at Team DENR (Ruel Gonzales , Henry Boroc , Ramil Lempiada).
Ang iba pang notable participating teams ay ang The Bulihan Boys (Deorico De Paz Jr., Macwaine Molina, Elcid Estaron), Team Muntinlupa (Joseph Esguera, Roberto Semillano, Larry Defensor), UTCC Team A (Carlo Magno Rosaupan , Alberto Rivera Jr., Sherwen Jomar Ibanita), UTCC Team B (Jan Kian Rosaupan, Raniel Azares, Jim Simon), Lycans (Spencer Real, Harold Elago, Jennilyn Mendoza), Team Regidor (Genesis Sumaway, Kaye Lalaine Regidor , Oliver Deleon) at Team Takes! Takes! Takes! (Marcus Fratkin, Joseph Balmaceda, Nicko Magsaca).-Marlon Bernardino-