by Marlon Bernardino

MARIKINA CITY---Tinalo ni Filipino International Master Michael Concio Jr. kontra si Vietnamese Grandmaster na si Tuan Minh Tran noong Biyernes upang manatili sa kontensiyon matapos ang Round 8 at penultimate round ng 11th edition ng Kamatyas Invitational GM Tournament 2023 sa Grandmaster Eugene Torre Museum ng Pan de Amerikana sa Concepcion Dos, Marikina City.

Si Concio, isa sa mga nangungunang manlalaro ng star-studded Dasmariñas Chess Academy sa ilalim ng gabay nina Mayor Jenny Barzaga, Rep. Elpidio "Pidi" Barzaga Jr. at National Coach FIDE Master Roel Abelgas, ay itinaas ang kanyang iskor sa 5.0 puntos sa tatlong panalo, apat na tabla at isang talo sa prestihiyosong single round robin tournament na ito.
"Mabuti maganda nilaro natin kontra kay Vietnamese Grandmaster Tuan Minh Tran," ani Concio, na sariwa pa sa pagkapanalo ng gintong medalya sa rapid competition sa Eastern Asia Juniors and Girls Chess Championship 2023 na ginanap sa Sabah Oriental Hotel sa Kota Kinabalu, Sabah , Malaysia noong Disyembre 8.

Standings after round 8:
6.0 points---GM Susan Megaranto (Indonesia)
5.0 points---IM Michael Concio Jr. (Philippines)
4.5 points---IM Paulo Bersamina (Philippines), GM John Paul Gomez (Philippines), IM Jan Emmanuel Garcia (Philippines)
4.0 points---GM Tuan Minh Tran (Vietnam),  IM Daniel Quizon (Philippines), IM Joel Banawa (USA)
2.5 points---GM Rogelio Antonio Jr. (Philippines)
1.0 points---WIM Miaoyi Lu (China)

Sa pangkalahatan, ang Filipino champion mula sa Dasmariñas, Cavite ay nasa likod ng solo leader na si Grandmaster Susanto Megaranto ng Indonesia na may 6.0 points na nagpabagsak kay Woman International Master Miaoyi Lu ng China.

Ang kampeon sa isang linggong FIDE Standard tournament na pinagsamang inorganisa nina International Master Roderick Nava at National Master David Almirol ng Kamatyas Chess Club ay tatanggap ng $4,000 habang ang second placer hanggang fifth placer ay magkakaroon ng $2,000, $1,000, $800 at $700. Ang pang-anim hanggang ika-10 puwesto ay makakatanggap ng $500 bawat isa.

Tinalo ni International Master Jan Emmanuel Garcia ng Pilipinas ang kababayan na si Grandmaster Rogelio "Joey" Antonio Jr. upang umangat sa 4.5 puntos at makasama sina International Master Paulo Bersamina at Grandmaster John Paul Gomez ng Pilipinas sa isang tabla para sa ika-3 hanggang ika-6 na puwesto.
Hinati ni Bersamina ang mga puntos sa kababayang si International Master Daniel Quizon habang si Gomez ay nakipag-draw kay International Master Joel Banawa ng United States.
Nanatili sina Tran, Quizon at Banawa sa lower half ng standing na may tig-4.0 puntos habang si Antonio ay natigil sa 2.5 puntos at Miaoyi sa cellar dweller na may 1.0 puntos.-Marlon Bernardino