Ni Marlon Bernardino
MANILA---Ipinakita ni International Master Jan Emmanuel Garcia ang kanyang napakatalino na anyo para angkinin ang tagumpay sa Naning Palami Rapid Open Chess Tournament - 2399 pababa sa People Center and Library Tacloban sa Tacloban City, Leyte noong Linggo, Hunyo 25.

Umiskor si Garcia ng 7.5 puntos dahil sa pitong panalo at isang tabla sa walong outings para mag-uwi ng PHP 30,000 na premyong cash.
Tinalo niya si Kyle Ryan Macayan sa first round, Allan Doroy sa second round, Ruel Dacillo sa third round, Vince Angelo Medina sa fourth round, Sherwin Tiu sa fifth round, Ruel Nuttal sa seventh round at Cesar Morante sa walo at huling round. Nakipag-draw siya kay Fritz Bryan Porras sa ikaanim na round.

“Masayang-masaya ako sa aking pagkapanalo dahil halos lahat ng mga nangungunang manlalaro sa Tacloban City at mga kalapit na probinsya pati na rin ang mga taga-Metro Manila ay sumali sa torneo," ani Garcia, Ateneo de Manila University chess team program head sa ilalim ng gabay ng Athletic Director Emmanuel Fernandez.

Pumangalawa si Tiu na may 7.0 puntos na sinundan nina Porras, Nuttal at United States chess master Pedro Tidoy (6.5 puntos).
Nakapasok sa listahan ng top eleven performers na nakakuha ng tig-6.0 points ay sina Adrian Joy Singson (6th), Prince Richvil Mella (7th), Eddieboy Galapon (8th), Ronald Mabale (9th), John Meg Lagusad (10th) at Norman Jasper Montejo (ika-11).
Samantala, si Jethro Esplanada (6.0 points) ang nanguna sa Standard event habang si Angel Nheazy Nicole Po (6.5 points) ay nanalo sa 15 years old and below category nitong 2-day (June 24 at 25) chessfest, na inorganisa ng Leyte Chess Foundation Chairman at National Arbiter Elmer Tunggolh. Chief Arbiter ay si FA Joel Tatad at tinulungan ni NA Ruel Jayan.-Marlon Bernardino-