ni Marlon Bernardino
MAYNILA---Nagpahayag ng kahandaan at kumpiyansa si Woman National Master Bonjoure Fille Suyamin na magkakaroon siya ng mas magandang resulta sa darating na 21st ASEAN+ Age Group Chess Championships 2023 na gaganapin sa Hunyo 17 hanggang 27 sa Bangkok, Thailand.

“It’s a prestigious tournament kaya medyo excited ako. I'll do my best to win and bring honors to our country," sabi ng pagmamalaki ng General Trias City, Cavite na suportado ang kanyang kampanya nina Mayor Jon Jon Ferrer, Mr. Arnel Beltran Del Rosario ng Del Rosario Christian Institute at Coach Ederwin Estavillo.

Ang 13-anyos na si Suyamin, isang Grade 7 student ng Del Rosario Christian Institute ay inaasahang mangunguna sa Philippine chess team sa World Youth Chess Championships na gaganapin sa Nobyembre 12 hanggang 25 sa Montesilvano, Italy.

Si Suyamin ay sariwa mula sa pagkapanalo sa girls’ Under-15 division ng Mayor Seth Frederick "Bullet" P. Jalosjos National Youth and Schools Chess Championships Grand Finals (Standard Time Control) sa Dapitan City, Zamboanga del Norte noong Hunyo 8.

Nakakolekta si Suyamin ng 9.5 puntos sa labing-isang round para pamunuan ang FIDE standard event na inorganisa ng National Chess Federation of the Philippines.
Nagwagi si Suyamin kina Kaye Lalaine Regidor sa first round, Ryien Bahita sa second round, Maryss Annxeniel Caldoza sa third round, Lyn Getubig sa fourth round, LJ Getubig sa fifth round, Hannah Jillian Luminario sa sixth round, Kristel Love Nietes sa ikapitong round at Jirah Floravie Cutiyog sa ikalabing-isa at huling round.
 Nakipag-draw siya kay Ruelle Canino sa eight round, Daren Dela Cruz sa ninth round at Maria Kristine Lavandero sa tenth at penultimate round.-Marlon Bernardino-