by Marlon Bernardino
Pinabagsak ni Woman National Master Antonella Berthe "Tonelle" Racasa ng Pasig City kontra si Simone Elise Esperanza ng Marikina City nitong Martes para makisalo sa liderato matapos ang ikatlong round ng National Capital Region (NCR) Palaro 2023 Secondary Girls chess team tournament sa Pinaglabanan Elementary Paaralan sa San Juan City.

Ang panalo ay pangatlo ni Racasa nang makasama niya ang Precious Day Yecla ng Lungsod ng Maynila sa pamumuno.
Tinalo naman ni Yecla si Rhonalyn Litang ng Mandaluyong City.
Naunang tinalo ni Racasa, na naglalaro sa ilalim ng banner ng Hotel Sogo, sina Eloisa Jade Alcantara ng Pasig City sa Round 1 at Jennah Mae Frias ng Caloocan City sa Round 2, ayon sa pagkakasunod.
Sinakop naman ni Yecla sina Lexie Grace Hernandez ng Manila City at Vienn Angela Borinaga ng Pasay City.
Sunod na makakalaban ni Racasa si Ruelle Canino ng Quezon City habang si Yecla ay katapat ni Francine Elaine Magpily ng Makati City.-Marlon Bernardino-