by Marlon Bernardino
MANILA---Pinagharian ni Vince Angelo Medina ng Cabuyao City ang katatapos na 1st South Luzon Fide-Rated Chess Tournament nitong Linggo, Marso 12 na ginanap sa Centro Mall sa Cabuyao City, Laguna.

Nakamit ni Medina ang P5,000 champion’s prize matapos makaipon ng 6.5 points sa 7-Rounds Swiss System tournament na inorganisa ng Philippine Executive Chess Association sa pakikipagtulungan ng Laguna Chess Association at ng Tabuko Chess Club na nasilayan ang 81 chess players.

Si Nazario Ubanan ng Cagayan de Oro City, ang bukod tanging manlalaro na naka tabla kay Medina ay tumapos ng second na may 6.0 points tungo sa P3,000.
May 6.0 points ay sina third Gary Legaspi ng Santa Rosa City, Laguna, fourth Kimuel Aaron Lorenzo ng Calamba City at fifth NM Jasper Faeldonia ng Manila.
Nakapasok sa top 10 na may tig 5.0 points ay sina sixth Apollo Agapay,  seventh eight Jersey Marticio, eight Richard Haiden Alarma, ninth Ritchie Jocson at tenth Mikhail Laogan.
Kabilang sa mga tinalo ni Medina ay sina David Kiel Briones sa opening round, Michael Michio Dela Cruz sa  Round 2, Edmund Daluddung sa Round 3, Gary Legaspi sa Round 4, Apollo Agapay sa Round 5,  Francis Talaboc sa Round 6 bago tabla kay Ubanan sa Round 7.

Mga category winners ay sina Francis Talaboc (top executive), Jeremy Marticio (top junior), Edwin Caballero (top senior), Rafiel Irvin Lacorte (top kiddie), Virgilio Alba (top unrated) at Darlyn Villanueva (top lady).
Ang nasabing event ay sinuportahan ng chess enthusiast mula Perth, Australia , Chooks-to-Go, Centro Mall at Jolly Smile Dental Clinic.-Marlon Bernardino-