by Marlon Bernardino
MANILA---Nakatutok si International Master Angelo Abundo Young sa korona sa pagtulak ngayon Sabado, Disyembre 31, 2022 sa pagsisimula ng GMG Chess Open Rapid Tournament na susundan naman ng Sir Herky Del Mundo Memorial Open Rapid Chess Tournament ngayon Martes, Enero 3, 2023, parehong gaganapin sa 2nd floor Open Kitchen Foodhall, Rockwell Business Center, Sheridan Street sa Mandaluyong City.
Ang National Chess Federation of the Philippines-sanctioned tournament ay may total pot prizes P52,000 na suportado nina Coach National Master Gerald Ferriol at Fide Master Paolo Del Mundo sa pakikipagtulungan nina Mam China Aurelio at Mam Mimi Casas of Open Kitchen na inorganisa ng Bayanihan Chess Club na pangangasiwaan naman ng Philippine Arbiters Chess Confederation.
Si Young, ang eight-time Illinois USA champion ay tumapos ng triple tie kina eventual champion International Master Michael Concio Jr. at International Master Ronald Dableo na may similar 8.0 points sa 6th Edition ng Kamatyas Rapid Invitational Chess Tournament 2022 na tinampukang Chess Avengers na ginanap sa 3rd floor, Building B, SM City Sucat sa Paranaque City nitong Dis.10.
Matapos ipatupad ang tie break points ay nakamit ni Concio ang first, tumapos si Dableo sa second at nagkasya si Young sa third.
Kabilang sa mga makakalaban ni Young ay sina Concio, Dableo, Grandmaster Rogelio "Joey" Antonio Jr., Grandmaster Darwin Laylo, International Master Barlo Nadera, International Master Jose Efren Bagamasbad, Fide Master Alekhine Nouri, Fide Master David Elorta, Fide Master Jeth Romy Morado, Fide Master Edgardo Garma at Fide Master Robert Suelo Jr. at iba pa.
Si Antonio na suportado ang kanyang international stint ng Hotel Sogo ay focus sa magandang performance matapos ang ninth place honors sa 30th FIDE World Senior Individual Chess Championship 2022 (50+ and 65+ Open-men and women) na ginanap sa Hotel Cenacolo sa Assisi, Umbria, Italy nitong Nob. 26.
Si Antonio ay nasa marubdob na pagsasanay na suportado ng Hotel Sogo sa 2023 Bob Wade Masters and Challengers sa Enero 13 hanggang 21, 2023 na gaganapin sa Howick Community Church Complex sa Auckland, New Zealand.-Marlon Bernardino-