by Marlon Bernardino
MANILA---Ipapakita ang kanyang husay ni PH chess wizard Alexandra Sydney Paez ng Cabuyao, Laguna, 1st year College, Dentistry sa De La Salle Medical and Health Sciences sa Dasmarinas City sa pagtulak ng Hongkong Bauhinia U-18 Invitational Chess Championships sa Dis. 26 hanggang 31, 2022 na gaganapin sa Regal Oriental Hotel, Kowloon City, Hongkong.

Ang 18 year old Alexandra Sydney, anak ni Philippine Executive Chess Association (PECA) President Dr. Alfredo "Fred" Paez ay miyembro ng DLSMHSI Chess Team na nasa gabay ni multi-titled coach, Fide Master Roel Abelgas.
Makakasama ni Alexandra Sydney ay sina Mark Jay Bacojo ng Dasmariñas, Cavite at Ayana Nicole Usman ng Santa Rosa City, Laguna.
Ang iba pang notable entrants ay sina Isaac Hu, Hungi Yun, Guk Han at Mingeun Song ng South Korea, Yiheng Li, Theodore Lukas Lam, Jamison Eldrich Kao at Shun Him Leung ng Hongkong, Hsiu Elliot Wong Yen ng Singapore, Sakkaranant Plakwongsirikul ng Thailand, Jiu Yarng Clarence Foo, Zong Ze Cheah at Jing Er Claire Foo ng Malaysia.
Ang FIDE rated tournament ay ipapatupad ang seven rounds Swiss system format na may 90 minutes plus 30 seconds increment playing time.
Nakalaan sa magkakampeon ang HK$ 15,000 plus  trophy at medal. Sa second placer ay HK$7,000 plus  medal, third HK$5,000 plus medal, fourth HK $3,000 plus medal, fifth HK $3,000 plus medal at sixth HK $2,000 plus medal.-Marlon Bernardino-