by Marlon Bernardino
MANILA---Nauwi lamang sa tabla ang laban ni Grandmaster Rogelio "Joey" Antonio Jr.kontra sa kababayang si International Master Angelo Abundo Young tangan ang black pieces tungo sa 11-way tie sa 14th place sa 9th round ng 30th FIDE World Senior Individual Chess Championship (50+ and 65+ Open-men and women) na ginanap sa Hotel Cenacolo sa Assisi, Umbria, Italy Huwebes, Nob. 24.

Si Antonio na suportado ang kanyang kampanya ng National Chess Federation of the Philippines, Philippine Sports Commission, Philippine Olympic Committee, the Philippine Amusement and Gaming Corp. , San Miguel Corporation, Sen. Bong Go, Col. Jaime Osit Santos at Bayanihan Chess Club Co-Founding Chairman Dr. Joe Balinas ay may total 6.0 points gaya ng naitala nina Young, IM Krizsany Laszlo ng Hungrary, IM Renzo Mantovani  ng Italy, IM William Paschall ng USA, WGM Elvira Berend ng Luxembourg, GM Henrik Danielsen ng Iceland, IM  Sergio Rocha ng Italy, FM  Poul Rewitz ng Denmark, IM  Gerard Welling ng Netherlands at IM Frank Zeller ng Germany.
Binigo ni Top seed GM Zurab Sturua ng Georgia si GM Ivan Morovic Fernandez ng Chile sa battle of heavyweights para makopo ang solo lead na may 7.5 points sa 50+ category.
Nanatili naman si Fernandez sa 7.0 points sa pag hulog sa 2nd hanggang 3rd places kasama si IM Fabrizio Bellia ng Italy.
Makakalaban ni GM Antonio si FM Rewitz habang makakatapat naman ni IM Young si GM Danielsen sa next round.
 Natalo naman si International Master elect at Fide Master Jose Efren Bagamasbad kontra kay IM Malkiel Peretz ng Israel.
Tangan ng 66-year-old Bagamasbad ang 5.0 points sa 65 years old and above category at makakasagupa si Davis Lee ng Wales sa next round.-Marlon Bernardino-