IM Concio naghari sa Asian Juniors Chess Championship 2022 - Rapid

IM Concio naghari sa Asian Juniors Chess Championship 2022 - Rapid

IM Concio naghari sa Asian Juniors Chess Championship 2022 - Rapid

Share to Facebook Share to Twitter Share to Google Plus

by Marlon Bernardino
TAGAYTAY CITY---Pinagharian ni Filipino International Master (IM) Michael "Jako" Concio Jr. ang katatapos na Asian Juniors Chess Championship 2022 - Rapid Biyernes na ginanap sa Knights Templar Ridge Hotel sa Tagaytay City dito.


Ang 17 year old Concio na Grade 12 student ng Dasmariñas Integrated High School ay nakakolekta ng 6.5 points mula sa six wins at one draw para magkampeon sa seven-round tournament na ipinatupad ang 10 minutes plus 10 seconds increment.
Kabilang sa mga tinalo ni Concio ay sina  Arena Fide Master Michael Michio Dela Cruz ng Philippines sa first round, Noah Combs ng Guam sa second round, Fide Master Eldiar Orozbaev ng Kyrgyzstan sa third round, Ramadhan Dziththauly ng Indonesia sa fifth round, Fide Master Arman Hakemi of Iran sa sixth round at International Master Neelash Saha ng India sa seventh at final round.
Tabla siya kay Chatterjee Utsab ng India sa fourth round.
“The win is a blessing," sabi ni Concio na suportado ang kanyang kampanya nina Rep. Elpidio "Pidi" Barzaga, Mayor Jenny Barzaga, National Coach Fide Master Roel Abelgas at Papadu Sportswear.
Una dito ay pinangunahan nina Cavite Vice Governor and National Chess Federation of the Philippines Vice President Athena Bryana D. Tolentino at Girls top seed Woman International Master Assel Serikbay ng Kazakhstan pagsasagawa ng ceremonial opening moves bilang hudyat ng pagbubukas ng eight-day tournament na binuksan din nina Tagaytay City Mayor at Philippine Olympic Committee President Abraham "Bambol" Tolentino at Asian Chess Federation Executive Board member Mehrdad Pahlevanzadeh at miyembro ng Appeals Committee members mula India, Guam, Iran, Malaysia at Kazakhstan.
Tumulak naman ang standard competition ngayon Sabado.
Ang  9-round Swiss system tournament ay suportado ng Asian Chess Federation (ACF), Philippine Sports Commission at ng City of Tagaytay.-Marlon Bernardino-
Makikita sa larawang ito si International Master Neelash Saha ng India (right) na nakatutok sa kanyang susunod na sulong kontra kay International Master Michael "Jako" Concio Jr. ng Philippines (photo credit to Marlon Bernardino)
Makikita sa larawang ito si International Master Michael "Jako" Concio Jr. ng Philippines (photo credit to Marlon Bernardino)
Makikita sa larawang ito sina Cavite Vice Governor at National Chess Federation of the Philippines Vice President Athena Bryana D. Tolentino (right) at Girls top seed Woman International Master Assel Serikbay ng Kazakhstan na nagsagawa ng ceremonial opening moves bilang hudyat ng pagbubukas ng Asian Juniors and Girls Chess Championships sa Knights Templar Hotel sa Tagaytay City nitong Biyernes. Nakamasid sina Tagaytay City Mayor at Philippine Olympic Committee President Abraham Tolentino (third from left), Asian Chess Federation Executive Board member Mehrdad Pahlevanzadeh at miyembro ng Appeals Committee mula India, Guam, Iran, Malaysia at Kazakhstan. (photo credit to Marlon Bernardino)