by Marlon Bernardino
SARDINIA, ITALY--Sumandal si Filipino Fide Master Alekhine Fabiosa Nouri (Elo 2251) sa kanyang husay sa endgame tungo sa panalo Miyerkoles matapos ang eight rounds ng World Junior Chess Championship 2022 Open U-20 dito sa Palmasera Village Resort, Cala Gonone munisipalidad ng Dorgali, Probinsiya ng Nuoro sa rehiyon ng Sardinia.

Nagsakripisyo si Nouri ng piyon sa d5 para makuha ang kalamangan ng posisyon sa kaagahan ng laro at makita na sumabog ang posisyon ni Enzo Tripodi (Elo 2113) ng Italy para isulong ang 48-move win ng Sicilian Defense.

Ang Escalante City native Nouri na kasalukuyang naka base sa San Jose Del Monte, Bulacan ay bitbit ang 4.0 points mula sa two wins, four draws at two loses.
Ang 16 years old Nouri na Grade 10 student ng La Concepcion College, San Jose Del Monte, Bulacan ay naka tutok sa kanyang unang International Master norms kung saan ang kanyang European chess campaign ay Iloilo Kisela Knights Team Owner Leo Sotaridona, (BAVI) President & General Manager Ronald Daniel Ricaforte Mascariñas, Buena Viel Construction and Project Management top honcho Engr. Jojo Buenaventura, Negros Occidental Governor Eugenio Jose "Bong" Villareal Lacson, Provincial Sports Coordinator Anthony Carlo Agustin, Senator Mark Villar, City of San Jose Del Monte, Bulacan mayor Arthur Robes, NCFP Vice President for Visayas Rep. Neri Javier Colmenares at NCFP Vice President for Mindanao Sen. Manny Pacquiao.

Samantala ay nagwagi din si Woman National Master Mhage Gerriahlou F. Sebastian (Elo 1865) kontra kay Woman Fide Master Sarah Djidjeli (Elo 2082) ng France matapos ang 47 moves ng Sicilian defense tungo sa total 4.5 points mula sa four wins, one draw at three loses sa Girls Under 20 division.

Ang kampanya ng Philippine chess team ay suportado nina National Chess Federation of the Philippines chairman/president Prospero "Butch" Arreza Pichay Jr., NCFP CEO GM Jayson O. Gonzales, Philippine Sports Commission chairman Jose Emmanuel "Noli" M. Eala, commissioner Olivia "Bong" Coo at executive director Atty. Guillermo B. Iroy Jr., Philippine Olympic Committee president at Tagaytay city mayor Abraham "Bambol" Tolentino Jr., office of Foreign Affairs Assistant Secretary for European Affairs Jaime Victor B. Ledda at Fide delegate Casto "Toti" Abundo ng Asian Chess Federation.

Sina Nouri at Sebastian ay sinamahan sa Italy nina National Master Almario Marlon Quiroz Bernardino Jr. at Susan Grace Tana Neri bilang kanilang mga coaches.-Marlon Bernardino-